Sýret: Kirill Kýhmar/TASS
Qarjy naryǵyn retteý jáne damytý agenttigi problemalyq qaryzy bar azamattarǵa onlain kredit alýǵa tyiym salýdy josparlap otyr. Bul týraly agenttik tóraǵasy Mádina Ábilqasymova málimdedi, dep habarlaidy Sputnik Qazaqstan.
Onyń aitýynsha, keibir qazaqstandyqtar banktegi kreditin jabý úshin basqa qarjy uiymynan taǵy da nesie alady. Sóitip qaryzǵa belshesinen batady.
"Eger azamattyń prolemalyq krediti bolsa, sol kezde jańa onlain mikrokredit alýǵa tyiym salynady. Bizde kredit alýshylar sany nege ósip barady? Sebebi azamattar bankte bir problemalyq krediti bolsa, sony jabý úshin mikroqarjy uiymyna barady da, jańa kredit alady. Sol sebepti problemalyq kredit týyndasa, jańa kredit berýge tyiym salý týraly osyndai usynys engizdik", - dep túsindirdi Ábilqasymova májilis kýlýarynda.
"Bul tyiym tek mikroqarjy uiymdaryna qatysty ma?" dep surady jýrnalister.
"Biz barlyq kredit boiynsha qarastyryp jatyrmyz", - dep naqtylady agenttik tóraǵasy.
