بٷگٸن كٷننٸڭ ەكٸنشٸ جارتىسىندا قازاقستان پرەزيدەنتٸ نۇرسۇلتان نازارباەۆ قحر تٶراعاسى سي تسزينپينمەن جەنە قحر مەملەكەتتٸك كەڭەسٸنٸڭ پرەمەرٸ لي كەتسيانمەن ەكٸجاقتى كەلٸسسٶز ٶتكٸزدٸ, دەپ حابارلادى قىتايداعى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«بٸر بەلدەۋ, بٸر جول» اتتى حالىقارالىق ىنتىماقتاستىق بويىنشا جوعارى دەڭگەيدەگٸ فورۋمعا قوش كەلدٸڭٸزدەر. جٸبەك جولى ەكونوميكالىق بەلدەۋٸ باستاماسى قازاقستاندا ۇسىنىلعان. ٶتكەن جىلى سٸزدەر «ٷلكەن جيىرمالىق» كٶشباسشىلارىنىڭ سامميتٸنە قاتىسۋ ٷشٸن حانچجوۋ قالاسىنا كەلدٸڭٸزدەر. وندا بٸز بٸرقاتار مەسەلەلەردە تٷسٸنٸستٸككە قول جەتكٸزٸپ, ٶڭٸرلٸك جەنە حالىقارالىق مەسەلەلەر بويىنشا تەرەڭنەن پٸكٸر الماستىق. بٸزدٸڭ ۋاعدالاستىعىمىز ٸسكە اسىرىلىپ جاتقانىن قۋانا ايتقىم كەلەدٸ», - دەدٸ سي تسزينپين.
ول ٶندٸرٸستٸك قۋات, ساۋدا-ساتتىق, ەنەرگەتيكا, اۋىل شارۋاشىلىعى جەنە باسقا دا سالالارداعى ەكٸ ەلدٸڭ ىنتىماقتاستىعى جوسپارلى دامىپ جاتقانىن اتاپ ٶتتٸ.
وسى جىلى بٸز قىتاي مەن قازاقستان اراسىندا ديپلوماتييالىق قاتىناستار ورناۋىنىڭ 25 جىلدىعىن اتاپ ٶتەمٸز. وسى جىلدار ٸشٸندە ەلدەر اراسىندا ستراتەگييالىق سيپاتتاعى جان-جاقتى بايلانىستار نىعايدى, بۇل بۇدان دا جوعارى دەڭگەيگە جەتەدٸ دەپ ٷمٸتتەنەمٸن, - دەدٸ كەزدەسۋدە سي تسزينپين.
نۇرسۇلتان نازارباەۆ سي تسزينپينگە فورۋمعا شاقىرعانى ٷشٸن العىس بٸلدٸردٸ.
«فورۋمنىڭ اشىلۋىندا سٶيلەگەن سٶزٸڭٸز ٶتە مازمۇندى, ەسەرلٸ, كٶپتەگەن سۇراقتاردىڭ جاۋابى دەسە بولادى. 2013 جىلى قازاقستاندا سٸز انتيجاھاندىق ٶسٸم اياسىندا ەلەمدە ادامدار ىنتىماقتاستىقتىڭ قالاي داميتىنى جايلى كٶپتەپ سۇراق قوياتىنىن الدىن الا سەزگەندەي, جاڭا باستاما جايلى ويىڭىزدى بٸلدٸردٸڭٸز. «بٸر بەلدەۋ, بٸر جول» باستاماسى ٶڭٸرلٸك جەنە جاھاندىق دامۋدىڭ جاڭا پاراديگماسى, ىنتىماقتاستىقتىڭ جاڭا سحەماسىنا اينالدى», - دەدٸ ەلباسى.
ن. نازارباەۆ قازاقستان مەن قىتاي ىنتىماقتاستىعىن ٷلگٸ تۇتارلىق دەپ اتادى.
«باسقا ەلدەر بٸزدەن ٷيرەنۋٸنە بولادى. بٷگٸن جٸبەك جولىنىڭ ەكونوميكالىق بەلدەۋٸ جۇمىسىن باستاپ تا كەتتٸ, بيىل ەلدەر اراسىنداعى تاۋار اينالىمىنىڭ ٶسٸمٸ 30 پايىزدى قۇرادى», - دەپ اتاپ ٶتتٸ پرەزيدەنت.
