قازاقستاندىق ازامات اجىراسقاننان كەيٸن بيولوگييالىق ەكەسٸ ەمەس بالانىڭ الدىنداعى زاڭدى مٸندەتتەمەلەردەن بوساتۋدى تالاپ ەتتٸ. ول ەكەلٸگٸ تۋرالى جازبانى جويۋعا مٷمكٸندٸك بەرمەيتٸن زاڭ نورمالارىنا داۋ ايتىپ, كونستيتۋتسييالىق سوتقا جٷگٸندٸ. بۇل تۋرالى سوتتىڭ رەسمي حابارلاماسىندا ايتىلعان, دەپ حابارلايدى ult.kz.
ٸس ماتەريالدارىنا سەيكەس, ەر ادام بالانىڭ دٷنيەگە كەلگەن كەزٸندە ٶزٸنٸڭ بيولوگييالىق ەكەسٸ ەمەس ەكەنٸن بٸلگەن. سوعان قاراماستان, قۇجات جٷزٸندە ەكەسٸ بولىپ تٸركەلۋگە ٶز ەركٸمەن كەلٸسٸم بەرگەن.
الايدا ەيەلٸمەن اجىراسقاننان كەيٸن ول سوتقا جٷگٸنٸپ, تۋۋ تۋرالى اكتٸدەن ٶز ەسٸمٸن الىپ تاستاۋدى تالاپ ەتكەن. بٸرٸنشٸ جەنە اپەللياتسييالىق ساتىداعى سوتتار ونىڭ تالابىن قاناعاتتاندىرمادى. سەبەبٸ ەكەلٸكتٸ تانۋ تۋرالى شەشٸم ەر ادامنىڭ ٶز ەركٸمەن قابىلدانعان.
ٶتٸنٸش يەسٸ قولدانىستاعى زاڭدار ونىڭ قۇقىقتارىن شەكتەيدٸ دەپ ەسەپتەيدٸ. ونىڭ پٸكٸرٸنشە, بيولوگييالىق تۋىستىعى جوق بالانى اسىراۋ جەنە تەربيەلەۋ مٸندەتٸن جالعاستىرۋ ەدٸلەتسٸز.
قازٸر ٸستٸ كونستيتۋتسييالىق سوت بايانداماشى-سۋديا ايجان جاتقانباەۆانىڭ قاتىسۋىمەن قاراپ جاتىر. تالقىلاۋعا باس پروكۋراتۋرا, مەملەكەتتٸك ورگاندار, ادۆوكاتتار مەن قۇقىق قورعاۋ ۇيىمدارىنىڭ ٶكٸلدەرٸ دە قاتىسۋدا.
كونستيتۋتسييالىق سوتتىڭ تٷپكٸلٸكتٸ شەشٸمٸ رەسمي سايتىندا جەنە رەسپۋبليكالىق باسىلىمداردا جارييالانادى.
