مەملەكەت باسشىسى قاسىم-جومارت توقاەۆ قازاقستان حالقىن رامازان ايىنىڭ باستالۋىمەن قۇتتىقتادى. بۇل تۋرالى اقوردانىڭ باسپاسٶز قىزمەتٸ مەلٸم ەتتٸ.
«قىمباتتى وتانداستار!
سٸزدەردٸ رامازان ايىنىڭ باستالۋىمەن قۇتتىقتايمىن! حالقىمىز ٷشٸن قاسيەتتٸ ورازانىڭ مەن-ماڭىزى ايرىقشا. بۇل – قوعامدا يماندىلىق, ادالدىق, جاناشىرلىق, مەيٸرٸمدٸلٸك سيياقتى مىزعىماس قۇندىلىقتارعا بارىنشا مەن بەرٸلەتٸن كەزەڭ. بٷكٸل مۇسىلمان قاۋىمىنىڭ ىنتىماعى ارتىپ, بٸر-بٸرٸنە باۋىرمالدىعى ايقىن كٶرٸنەتٸن مەزگٸل.
ورازا ايى رۋحاني تازارۋعا, مۇقتاج جاندارعا كٶمەك قولىن سوزىپ, قايىرىمدىلىق جاساۋعا ٷندەيدٸ. سول ارقىلى بارشا ادامزاتتىڭ بەرەكە-بٸرلٸگٸ نىعايا تٷسۋٸنە ىقپال ەتەدٸ. دٸن مەن دەستٷر ساباقتاستىعىن بەرٸك ۇستاناتىن ەل تاتۋلىعىن, تۇراقتىلىعى مەن تىنىشتىعىن ساقتاپ, كەز كەلگەن سىن-قاتەردەن سٷرٸنبەي ٶتە الادى. مەن قازاقستان حالقىنىڭ ەردايىم رۋحاني ٷندەستٸكتە ٶمٸر سٷرٸپ, بولاشاققا نىق قادام باساتىنىنا سەنەمٸن. ورازا قابىل بولسىن! بارشاڭىزعا زور دەنساۋلىق, اماندىق, تولايىم تابىس تٸلەيمٸن!», - دەپ جازىلعان پرەزيدەنت قۇتتىقتاۋىندا.
