Memleket basshysy Qasym-Jomart Toqaev Qazaqstan halqyn Ramazan aiynyń bastalýymen quttyqtady. Bul týraly Aqordanyń baspasóz qyzmeti málim etti.
«Qymbatty otandastar!
Sizderdi Ramazan aiynyń bastalýymen quttyqtaimyn! Halqymyz úshin Qasietti orazanyń mán-mańyzy airyqsha. Bul – qoǵamda imandylyq, adaldyq, janashyrlyq, meiirimdilik siiaqty myzǵymas qundylyqtarǵa barynsha mán beriletin kezeń. Búkil musylman qaýymynyń yntymaǵy artyp, bir-birine baýyrmaldyǵy aiqyn kórinetin mezgil.
Oraza aiy rýhani tazarýǵa, muqtaj jandarǵa kómek qolyn sozyp, qaiyrymdylyq jasaýǵa úndeidi. Sol arqyly barsha adamzattyń bereke-birligi nyǵaia túsýine yqpal etedi. Din men dástúr sabaqtastyǵyn berik ustanatyn el tatýlyǵyn, turaqtylyǵy men tynyshtyǵyn saqtap, kez kelgen syn-qaterden súrinbei óte alady. Men Qazaqstan halqynyń árdaiym rýhani úndestikte ómir súrip, bolashaqqa nyq qadam basatynyna senemin. Oraza qabyl bolsyn! Barshańyzǵa zor densaýlyq, amandyq, tolaiym tabys tileimin!», - dep jazylǵan Prezident quttyqtaýynda.
