«بٸر بەلدەۋ, بٸر جول» ستراتەگيياسى اياسىندا حالىقارالىق ىنتىماقتاستىق بويىنشا جوعارى دەڭگەيدەگٸ فورۋمنىڭ اشىلۋىندا قحر تٶراعاسى سي تسزينپين دامۋشى ەلدەرگە گۋمانيتارلىق كٶمەك رەتٸندە شامامەن 11 ملرد دوللاردان اساتىن قاراجات بٶلۋ جوسپارى جايلى ايتتى, دەپ حابارلادى قىتايداعى «قازاقپارات» حاا تٸلشٸسٸ.
«الداعى ٷش جىلدا قىتاي اۋقىمدى جوبا كٶلەمٸن ٸسكە قوسۋ جەنە حالىقتاردىڭ جاقسى ٶمٸرٸن قامتاماسىز ەتۋ ٷشٸن «بٸر بەلدەۋ, بٸر جول» باستاماسىنا قاتىساتىن حالىقارالىق ۇيىمدارعا جەنە دامۋشى ەلدەرگە 60 ملرد يۋان (8,8 ملرد دوللار) كٶمەك كٶرسەتەدٸ. قىتاي جٸبەك جولى بويىنداعى ەلدەرگە 2 ملرد يۋان (شامامەن 294 ملن دوللار) ازىق-تٷلٸك كٶمەگٸن كٶرسەتەدٸ, «وڭتٷستٸك-وڭتٷستٸك» جەلٸسٸ بويىنشا ىنتىماقتاستىق ٷشٸن كٶمەك قورىنا 1 ملرد دوللار قوسىمشا قارجى بٶلەدٸ», - دەدٸ ول.
ونىڭ ايتۋىنشا, قحر «باقىتتى ٷي» 100 جوباسىن, كەدەيلٸكتٸ جويۋ بويىنشا 100 جوبا جەنە «بٸر بەلدەۋ, بٸر جول» بويىنداعى ەلدەردە دەنساۋلىق ساقتاۋ جەنە ساۋىقتىرۋ بويىنشا 100 جوبانى ٸسكە قوسادى.
«قىتاي تيٸستٸ حالىقارالىق ۇيىمدارعا «بٸر بەلدەۋ, بٸر جول» بويىنداعى ەلدەرگە تابىس ەكەلەتٸن جوبالاردى ٸسكە اسىرۋعا 1 ملرد دوللار بەرەدٸ», دەپ اتاپ ٶتتٸ ەل كٶشباسشى.
ەسكە سالساق, فورۋمعا 29 مەملەكەت جەنە 3 حالىقارالىق ۇيىم (بۇۇ, دٷنيەجٷزٸلٸك بانك, حالىقارالىق ۆاليۋتا قورى) باسشىلارىمەن بٸرگە قازاقستان پرەزيدەنتٸ ن. نازارباەۆ قاتىسۋدا.
