«Bir beldeý, bir jol» strategiiasy aiasynda halyqaralyq yntymaqtastyq boiynsha joǵary deńgeidegi forýmnyń ashylýynda QHR Tóraǵasy Si Tszinpin damýshy elderge gýmanitarlyq kómek retinde shamamen 11 mlrd dollardan asatyn qarajat bólý jospary jaily aitty, dep habarlady Qytaidaǵy «QazAqparat» HAA tilshisi.
«Aldaǵy úsh jylda Qytai aýqymdy joba kólemin iske qosý jáne halyqtardyń jaqsy ómirin qamtamasyz etý úshin «Bir beldeý, bir jol» bastamasyna qatysatyn halyqaralyq uiymdarǵa jáne damýshy elderge 60 mlrd iýan (8,8 mlrd dollar) kómek kórsetedi. Qytai Jibek joly boiyndaǵy elderge 2 mlrd iýan (shamamen 294 mln dollar) azyq-túlik kómegin kórsetedi, «Ońtústik-Ońtústik» jelisi boiynsha yntymaqtastyq úshin kómek qoryna 1 mlrd dollar qosymsha qarjy bóledi», - dedi ol.
Onyń aitýynsha, QHR «Baqytty úi» 100 jobasyn, kedeilikti joiý boiynsha 100 joba jáne «Bir beldeý, bir jol» boiyndaǵy elderde densaýlyq saqtaý jáne saýyqtyrý boiynsha 100 jobany iske qosady.
«Qytai tiisti halyqaralyq uiymdarǵa «Bir beldeý, bir jol» boiyndaǵy elderge tabys ákeletin jobalardy iske asyrýǵa 1 mlrd dollar beredi», dep atap ótti el kóshbasshy.
Eske salsaq, forýmǵa 29 memleket jáne 3 halyqaralyq uiym (BUU, Dúniejúzilik bank, Halyqaralyq valiýta qory) basshylarymen birge Qazaqstan Prezidenti N. Nazarbaev qatysýda.
