بٷگٸن «نۇر وتان» پارتيياسىنىڭ ورتالىق اپپاراتىندا «رۋحاني جاڭعىرۋ جەنە جاستار» اتتى قازاق جاستارىنىڭ ٸ حالىقارالىق فورۋمى ٶتتٸ.
دٷنيەجٷزٸ قازاقتارىنىڭ V قۇرىلتايى اياسىندا ۇيىمداستىرىلعان شاراعا «نۇر وتان» پارتيياسى مەن دٷنيەجٷزٸ قازاقتارى قاۋىمداستىعى مۇرىندىق بولدى. وعان «نۇر وتان» پارتيياسى تٶراعاسىنىڭ بٸرٸنشٸ ورىنباسارى مۇحتار قۇل-مۇحاممەد, دٷنيەجٷزٸ قازاقتارى قاۋىمداستىعى تٶرالقا تٶراعاسىنىڭ بٸرٸنشٸ ورىنباسارى زاۋىتبەك تۇرىسبەكوۆ جەنە ەلەمنٸڭ 20-دان استام ەلٸنەن كەلگەن قازاق جاستارى قاتىستى.
فورۋمدى اشقان مۇحتار قۇل-مۇحاممەد: «بٸرٸككەن ۇلتتار ۇيىمى دٷنيە جٷزٸندەگٸ 193 مەملەكەتتٸڭ باسىن قوسادى. سولاردىڭ ٸشٸندە كەزٸندە بٷكٸل ەلەمدٸ وتارلىق بٶلٸسكە سالىپ, جەر جاھانعا تاراعان اعىلشىن, يسپان, فرانتسۋز, پورتۋگال, نەمٸس جەنە ورىس سيياقتى الپاۋىت حالىقتار بار. بٸراق وسى ەلدەردٸڭ ەشقايسىسى ارنايى باعدارلاما جاساپ, قانداستارىن شەتەلدەن الدىرتىپ جاتقان جوق. بٸزبەن تاعدىرلاس ورتالىق ازييا ەلدەرٸندە دە مۇنداي ٷردٸس كەزدەسپەيدٸ. تەك قازاقستان عانا تەۋەلسٸزدٸك جىلدارى تاعدىر تاۋقىمەتٸمەن جەر بەتٸنە تارىداي شاشىراعان 1 ميلليونعا جۋىق قانداستارىمىزدى اتامەكەنگە الدىردى. بۇل قازاقتىڭ باقىتى ٷشٸن تۋعان ەلباسىمىزدىڭ ٶز حالقى الدىندا سٸڭٸرگەن ەرەن ەڭبەگٸ. وسىنى ەربٸر قازاق ەشقاشان ۇمىتپاۋى كەرەك», – دەدٸ.
تٷركييادان كەلگەن قانداسىمىز, تاەكۆوندودان وسى ەلدٸڭ چەمپيونى, مۇستافا ٶزتٷرٸكتٸڭ لايىقتى ٸزباسارى ٸليياس كەرٸم ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى بٷكٸل تٷركٸ دٷنيەسٸن ەلەڭ ەتكٸزگەنٸن ايتتى. ول مەملەكەت باسشىسىنىڭ لاتىن ەلٸپبيٸنە كٶشۋ باستاماسىن تولىق قولدايتىنىن اتاپ ٶتٸپ, جاقىندا عانا استانا حالىقارالىق ەۋەجايىنا ەلباسى ەسٸمٸنٸڭ بەرٸلۋٸن زور قۋانىشپەن قابىلداعانىن جەتكٸزدٸ.
سونىمەن قاتار فورۋمدا يتالييا, شۆەتسييا, يرلاندييا, قىتاي, موڭعولييا, رەسەي جەنە تاعى باسقا ەلدەردەن كەلگەن قازاق جاستارى سٶز الدى. ولار ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىنىڭ ماڭىزى تۋرالى ايتىپ, ەكسپو-2017 كٶرمەسٸ ەلٸمٸزدٸڭ مەرتەبەسٸن ودان ەرٸ اسقاقتاتقانىنا ەرەكشە نازار اۋداردى.
ۇلتتىق رۋحىمىزدى كٶتەرٸپ, ەلدٸڭ ەڭسەسٸن تٸكتەۋ ٷشٸن وسىنداي ٸس-شارالاردىڭ ماڭىزى زور. ٶيتكەنٸ بولاشاق – جاستاردٸكٸ. سوندىقتان جاس بۋىندى بٷگٸننەن باستاپ ۇلتتىق قۇندىلىقتارعا ەبدەن قاندىرىپ, قازاقى بولمىستا تەربيەلەۋٸمٸز كەرەك. وسى تۇرعىدان كەلگەندە «نۇر وتان» پارتيياسىنىڭ بۇل باستاماسى ٶتە قۇپتارلىق دٷنيە.
