فوتو: Aikyn.kz
2026 جىلدىڭ 21-23 مامىر ارالىعىندا قازاقستان رەسپۋبليكاسى مەدەنيەت جەنە اقپارات مينيسترلٸگٸ «قازاقستان حالىق بانكٸ» اكتسيونەرلٸك قوعامىنىڭ دەمەۋشٸلٸگٸمەن «حالىق ەۋەنٸ» اۋقىمدى بٸرەگەي جوباسىن جٷزەگە اسىرادى, دەپ حابارلايدى Ult.kz.
«مەدەنيەت – ۇلتتىڭ تٶلقۇجاتى. جاھان جۇرتى ەلٸمٸزدٸ ەڭ الدىمەن ٶنەرٸمٸز ارقىلى تانىپ بٸلەدٸ. بٸز – ۇلى دالادا تامىر جايعان بٸرەگەي مەدەنيەتتٸڭ زاڭدى مۇراگەرٸمٸز. قازاق جەرٸنەن شىققان قايتالانباس ٶنەر يەلەرٸنٸڭ تەڭدەسسٸز تۋىندىلارى تۇتاس ۇلتتى تەربيەلەدٸ. قازٸر تٶل مەدەنيەتٸمٸز دٷنيە جٷزٸنە تانىلىپ جاتىر», - دەپ مەملەكەت باسشىسى قاسىم-جومارت توقاەۆ اتاپ ٶتكەندەي, جوبا پرەزيدەنتٸمٸز كٶتەرگەن مەدەني ساياساتتىڭ باسىم باعىتتارىمەن ٷندەس. اتاپ ايتقاندا, مەدەنيەت پەن ٶنەردٸ تەك ٸرٸ قالالاردا عانا ەمەس, ٶڭٸرلەر مەن اۋىلدىق ايماقتاردا دامىتۋ, حالىقتىڭ مەدەني يگٸلٸكتەرگە تەڭ قولجەتٸمدٸلٸگٸن قامتاماسىز ەتۋ, سونداي-اق شىعارماشىلىق ۇجىمداردىڭ ەل اۋماعىندا كەڭٸنەن تارالۋىن ارتتىرۋ مٸندەتتەرٸ جوبانىڭ نەگٸزگٸ مازمۇنىن ايقىندايدى.
«حالىق ەۋەنٸ» – ۇلتتىق رۋحانيياتتى جاڭعىرتۋعا باعىتتالعان, حالىقتىق مۋزىكالىق مۇرانى زاماناۋي فورماتتا ۇسىناتىن ەرەكشە مەدەني باستاما. جوبا اياسىندا سان عاسىرلىق ساز بەن دەستٷر ساباقتاستىعى بٷگٸنگٸ تىڭدارمانمەن جاڭا سيپاتتا ٷندەسٸپ, ۇلتتىق ٶنەردٸڭ تەرەڭ تامىرىن كەڭٸنەن تانىتۋعا مٷمكٸندٸك بەرەدٸ.
جوبانىڭ باستالۋى 21 مامىرعا ياعني مەدەنيەت جەنە ٶنەر قىزمەتكەرلەرٸنٸڭ كەسٸبي مەرەكەسٸمەن تۇسپا-تۇس كەلٸپ تۇر. بۇل جايت باستامانىڭ سيمۆولدىق مەنٸن ارتتىرىپ, ونىڭ رۋحاني مازمۇنىن تەرەڭدەتە تٷسەدٸ.
جوبا اياسىندا مينيسترلٸككە قاراستى جەتەكشٸ شىعارماشىلىق ۇجىمدار ەلٸمٸزدٸڭ 17 ٶڭٸرٸندە گاسترولدٸك ساپار ۇيىمداستىرادى. كونتسەرتتٸك باعدارلامالار اباي, اقمولا, اقتٶبە, الماتى, اتىراۋ, باتىس قازاقستان, جەتٸسۋ, جامبىل, قاراعاندى, ماڭعىستاۋ, قوستاناي, قىزىلوردا, سولتٷستٸك قازاقستان, ۇلىتاۋ, تٷركٸستان, شىعىس قازاقستان جەنە پاۆلودار وبلىستارىن قامتيدى. سونىمەن قاتار ٶنەر ۇجىمدارى شالعاي اۋدان ورتالىقتارى مەن اۋىلدىق ەلدٸ مەكەندەرگە بارىپ, كٶرەرمەنگە ۇلتتىق جەنە زاماناۋي ٶنەردٸڭ ٷزدٸك ٷلگٸلەرٸن ۇسىنادى.
جوبانىڭ نەگٸزگٸ ماقساتى – جوعارى كٶركەمدٸك دەڭگەيدەگٸ كونتسەرتتٸك باعدارلامالار ارقىلى قازاقستان حالقىنىڭ مەدەني قۇندىلىقتارعا تەڭ قول جەتكٸزۋٸن قامتاماسىز ەتۋ.
«حالىق ەۋەنٸ» جوباسىن ۇيىمداستىرۋ جەنە ٷيلەستٸرۋ جۇمىستارىن روزا باعلانوۆا اتىنداعى «قازاقكونتسەرت» مەملەكەتتٸك اكادەمييالىق كونتسەرتتٸك ۇيىمى جٷزەگە اسىرادى.
