فوتو: قر عجبم
ەل-فارابي اتىنداعى قازاق ۇلتتىق ۋنيۆەرسيتەتٸ مەن قىتايدىڭ سولتٷستٸك-باتىس پوليتەحنيكالىق ۋنيۆەرسيتەتٸ (سبپۋ) بٸرلەسٸپ ەزٸرلەگەن «قازاقستان – قىتاي» نانوسپۋتنيگٸ 13 جەلتوقساندا بەيجٸڭ ۋاقىتى بويىنشا ساعات 09:08-دە 530 شاقىرىم بيٸكتٸكتە وربيتاعا سەتتٸ شىعارىلدى, دەپ حابارلايدى Ult.kz.
عارىشتىق زەرتتەۋلەرگە ارنالعان بۇل قۇرىلعى Ziwei Aerospace كومپانيياسىنىڭ «ديەر-5» (ياو-8 ميسسيياسى) عارىش اپپاراتى ارقىلى «كۋايچجوۋ-11» زىمىران تاسىعىشىمەن وربيتاعا جەتكٸزٸلدٸ.
ايتا كەتەيٸك, 2024 جىلى قازۇۋ مەن سبپۋ ميكروسپۋتنيكتەردٸ زەرتتەۋ باعىتىندا بٸرلەسكەن عىلىمي جۇمىستار جٷرگٸزۋ تۋرالى كەلٸسٸمگە قول قويدى. بۇل كەلٸسٸم قر پرەزيدەنتٸ قاسىم-جومارت توقاەۆ پەن قحر تٶراعاسى سي تسزينپيننٸڭ رەسمي ساپارى كەزٸندە كەلٸسٸلگەن بولاتىن.
نانوسپۋتنيك بٸرنەشە نەگٸزگٸ مٸندەتتەردٸ جٷزەگە اسىرادى, اتاپ ايتقاندا, ماقساتتاردى جوعارى تۇراقتىلىقپەن مانەۆرلٸ باقىلاۋ, يكەمدٸ سەنسورلارعا نەگٸزدەلگەن پلاتفورما باعدارىن ديناميكالىق قابىلداۋ جەنە كومپەنساتسييالاۋ, سونىمەن قاتار OpenHarmony اشىق باستاپقى كودى بار وپەراتسييالىق جٷيەگە نەگٸزدەلگەن قاشىقتىقتان زوندتاۋ كەسكٸندەرٸن اۆتونومدى تانۋ.
ەزٸرلەمەنٸڭ نەگٸزگٸ تٶرت ارتىقشىلىعى بار:
- - كوممەرتسييالىق كومپونەنتتەر مەن يننوۆاتسييالىق ديزاين ارقىلى جوعارى ەكونوميكالىق تيٸمدٸلٸك;
- - جوعارى تۇراقتىلىق پەن دەل باعىتتاۋ;
- - وريەنتاتسييا قاتەلەرٸن بەيٸمدەلگەن تٷردە كومپەنساتسييالاۋعا ارنالعان جوعارى ەسەپتەۋ قۋاتى;
- - دەرەكتەردٸ جەرگە جىلدام الىپ-جەتكٸزۋ ٷشٸن جوعارى وپەراتيۆتٸك ەرەكەتتەستٸك.
جوبا قازۇۋ بازاسىنداعى سبپۋ فيليالى, «بٸر بەلدەۋ – بٸر جول» باستاماسى اياسىنداعى ۇلتتىق بٸرلەسكەن زەرتتەۋ لابوراتوريياسى, ەۋە-عارىش ينستيتۋتى جەنە يكەمدٸ ەلەكترونيكا ۇلتتىق نەگٸزگٸ زەرتحاناسىنىڭ قولداۋىمەن جٷزەگە اسىرىلدى.
جوبانىڭ كونسۋلتانتى – اكادەميك حۋان ۆەي, جالپى جەتەكشٸسٸ – پروفەسسور يۋە سياوكۋي, جەتەكشٸنٸڭ ورىنباسارى – قازۇۋ پروفەسسورى زەۋرە راقىشەۆا. بٸرلەسكەن زەرتتەۋ توبىنا قازاقستان مەن قىتايدان 20-دان استام مامان جەنە جاس زەرتتەۋشٸ قاتىستى.
بۇل بٸرلەسكەن جۇمىس عارىشتى زەرتتەۋ, بٸلٸكتٸ ماماندار دايارلاۋ جەنە ورتاق سپۋتنيكتەردٸ جاساۋ, سونداي-اق ميكروسپۋتنيك ارقىلى جەردٸ قاشىقتىقتان زەرتتەۋ مٷمكٸندٸگٸن بەرەدٸ.
