قازاقستاندا 2027 جىلعى 1 قاڭتاردان باستاپ جۇمىسىنان ايىرىلعان ازاماتتارعا ەلەۋمەتتٸك تٶلەم تاعايىنداۋ تەرتٸبٸ ٶزگەرەدٸ. جاڭا تالاپ بويىنشا جۇمىسسىزدارعا تٶلەم بەلسەندٸ جۇمىس ٸزدەۋ كەزەڭٸندە بەرٸلەدٸ. ونىڭ مٶلشەرٸ سوڭعى ەكٸ جىلداعى ورتاشا ايلىق تابىستىڭ 45 پايىزىنا تەڭ بولادى. بۇل تۋرالى ەڭبەك جەنە حالىقتى ەلەۋمەتتٸك قورعاۋ مينيسترلٸگٸ مەلٸمدەدٸ, دەپ حابارلايدى ult.kz.
جۇمىسسىز قالعان ادام الدىمەن قايدا جٷگٸنۋٸ كەرەك?
جۇمىسىنان ايىرىلعان ازامات ەڭ الدىمەن مانساپ ورتالىعىنا جٷگٸنۋٸ قاجەت. ماماندار ونىڭ كەسٸبي تەجٸريبەسٸ مەن داعدىلارىن زەردەلەپ, بٸلٸكتٸلٸگٸنە ساي بوس جۇمىس ورىندارىن ۇسىنادى. سونداي-اق جۇمىس بەرۋشٸلەرمەن سۇحباتتاسۋدى ۇيىمداستىرادى.
2026 جىلعى 1 قازاننان باستاپ «جۇمىس ٸزدەپ جٷرگەن ادام» مەرتەبەسٸندە بولۋ مەرزٸمٸ 2 كٷننەن 13 كٷنگە دەيٸن ۇزارتىلعان.
ەگەر وسى ۋاقىت ٸشٸندە لايىقتى جۇمىس تابىلماسا, ازاماتقا رەسمي تٷردە جۇمىسسىز مەرتەبەسٸ بەرٸلەدٸ. مانساپ ورتالىعى بوس جۇمىس ورىندارىن ٸزدەۋدٸ جالعاستىرادى. قاجەت بولعان جاعدايدا قىسقا مەرزٸمدٸ كەسٸپتٸك وقۋدان ٶتۋ ۇسىنىلادى.
ەلەۋمەتتٸك تٶلەمگە قالاي ٶتٸنٸش بەرۋگە بولادى?
جۇمىسسىز مەرتەبەسٸن العاننان كەيٸن ازامات ەلەۋمەتتٸك تٶلەم تاعايىنداۋعا ٶتٸنٸش بەرە الادى. ول ٷشٸن بٸرنەشە تەسٸل قاراستىرىلعان:
- eGov.kz پورتالى;
- Enbek.kz ەلەكتروندىق ەڭبەك بيرجاسى;
- ەكٸنشٸ دەڭگەيدەگٸ بانكتەردٸڭ موبيلدٸ قوسىمشالارى;
- ۇيالى تەلەفونعا كەلەتٸن SMS-حابارلاما ارقىلى پرواكتيۆتٸ قىزمەت;
- مانساپ ورتالىقتارى;
- «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ بٶلٸمشەلەرٸ.
ەلەۋمەتتٸك تٶلەم تاعايىندالعاننان كەيٸن دە مانساپ ورتالىعى ازاماتقا جۇمىس ٸزدەۋگە كٶمەكتەسۋدٸ جالعاستىرادى.
جۇمىسسىزدارعا قانشا اقشا تٶلەنەدٸ?
2027 جىلدان باستاپ ەلەۋمەتتٸك تٶلەم بەلسەندٸ تٷردە جۇمىس ٸزدەۋ كەزەڭٸنە تاعايىندالادى. تٶلەمنٸڭ ۇزاقتىعى ازاماتتىڭ مٸندەتتٸ ەلەۋمەتتٸك ساقتاندىرۋ جٷيەسٸنە قاتىسۋ ٶتٸلٸنە بايلانىستى بولادى. الايدا تٶلەم مەرزٸمٸ 3 ايدان اسپايدى.
تٶلەم مٶلشەرٸ سوڭعى ەكٸ جىلداعى ورتاشا ايلىق تابىستىڭ 45 پايىزىن قۇرايدى. بۇل رەتتە ەسەپكە الىناتىن تابىستىڭ شەكتٸ مٶلشەرٸ ەڭ تٶمەنگٸ جالاقىنىڭ جەتٸ ەسەلەنگەن مٶلشەرٸنەن اسپاۋى كەرەك.
مەملەكەت باسشىسىنىڭ جولداۋىندا ايتىلعانداي, 2027 جىلعى 1 قاڭتاردان باستاپ ەڭ تٶمەنگٸ جالاقى 85 مىڭ تەڭگەدەن 110 مىڭ تەڭگەگە دەيٸن ٶسەدٸ. وسىعان بايلانىستى جۇمىسسىزدىق بويىنشا ەلەۋمەتتٸك تٶلەمنٸڭ ەڭ جوعارى مٶلشەرٸ دە ايىنا 346,5 مىڭ تەڭگەگە دەيٸن ۇلعايادى.
تٶلەمدٸ كٸمدەر الا الادى?
بۇل ەلەۋمەتتٸك تٶلەمدٸ بۇرىنعىداي مٸندەتتٸ ەلەۋمەتتٸك ساقتاندىرۋ جٷيەسٸنە قاتىسقان ازاماتتار عانا الا الادى.
مينيسترلٸك ەنگٸزٸلەتٸن ٶزگەرٸستەردٸڭ باستى ماقساتى – جۇمىسسىز قالعان ادامدارعا تۇراقتى جۇمىس تابۋعا كٶمەكتەسۋ جەنە ولاردى ەڭبەك نارىعىنا قايتا بەيٸمدەۋ ەكەنٸن اتاپ ٶتتٸ.