فوتو: قر وام
110 ەلدەن 50 مىڭنان استام وقۋشى قاتىسقان حيۋستونداعى FIRST Championship 2025 حالىقارالىق ينجەنەرلٸك تۋرنيرٸندە قازاقستان قۇراماسى ٷش جاس ساناتى بويىنشا رەكوردتىق نەتيجە كٶرسەتتٸ, — دەپ حابارلايدى Ult.kz قر وقۋ-اعارتۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
قازاقستان نامىسىن جەتٸ كوماندا قورعادى. جوعارى ساناتتا (12–18 جاس) الماتى قالاسىنداعى نازارباەۆ زيياتكەرلٸك مەكتەبٸنٸڭ PID كومانداسى ەلٸمٸز تاريحىندا تۇڭعىش رەت جارىستىڭ فينالىنا ٶتٸپ, ەكٸ ماراپات يەلەندٸ — Motivate Award Winner جەنە Division Finalist Award.
الماتىداعى نازارباەۆ زيياتكەرلٸك مەكتەبٸنٸڭ CRISTABOL كومانداسى تەحنيكالىق جەنە تەحنيكالىق ەمەس داعدىلاردىڭ ٷزدٸك ٷيلەسٸمٸ ٷشٸن بەرٸلەتٸن ەڭ بەدەلدٸ ماراپات — INSPIRE Award-تى جەڭٸپ الدى. Sana Team (الماتىداعى بٸلٸم-يننوۆاتسييا ليتسەيٸ) جەنە Jeltoqsun (قاراعاندى قالاسىنداعى «مۇراگەر» مەكتەبٸ) كوماندالارى روبوتتار ويىنى بويىنشا 258 كوماندانىڭ ٸشٸنەن توپ-20 قاتارىنا ەندٸ.
ورتا ساناتتا (10–16 جاس) — FIRST LEGO League Challenge تۋرنيرٸندە استانا قالاسىنداعى «Skillset» مەكتەبٸنٸڭ SKILLSET كومانداسى Champions Award نوميناتسيياسى بويىنشا فيناليست اتاندى. قاراعاندىداعى «مۇراگەر» مەكتەبٸنٸڭ RASSLEXX كومانداسى Coopertition Award Winner ماراپاتىن جەڭٸپ الدى.
كٸشٸ ساناتتا (6–10 جاس) — FIRST LEGO League Explore بويىنشا پاۆلودار قالاسىنداعى «ساتۋرن» مەكتەبٸنٸڭ ATLANTIS كومانداسى Team Model Award ماراپاتىنا يە بولدى.
"FIRST Global Challenge چەمپيوناتىنىڭ ەرەكشەلٸگٸ — بۇل جارىسقا ەرتٷرلٸ جاس دەڭگەيٸندەگٸ بٸرنەشە كوماندا قاتىسادى. قازاقستان بۇل چەمپيوناتقا نەبەرٸ بەس جىلدان بەرٸ قاتىسىپ كەلەدٸ. سوعان قاراماستان, ونداعان جىلدىق تەجٸريبەسٸ بار مەملەكەتتەرمەن تەڭ دەرەجەدە بەسەكەگە تٷسۋدەمٸز", — دەدٸ USTEM Foundation قورىنىڭ جەتەكشٸسٸ اسىلبەك مۇرزاحمەتوۆ.
ەسكە سالا كەتەيٸك, چەمپيوناتتىڭ ۇلتتىق ۇيىمداستىرۋشىلارى — قر وقۋ-اعارتۋ مينيسترلٸگٸنٸڭ تٸكەلەي قولداۋىمەن «دارىن» رەسپۋبليكالىق عىلىمي-پراكتيكالىق ورتالىعى مەن «USTEM» قوعامدىق قورى.
