فوتو: QyzPU
11 سەۋٸر كٷنٸ ي.اراباەۆ اتىنداعى قىرعىز مەملەكەتتٸك ۋنيۆەرسيتەتٸنٸڭ 80 جىلدىق مەرەيتويىنا وراي «ساندىق دەۋٸردەگٸ «ماناس» ەپوسى جەنە مەملەكەتتٸك تٸل» اتتى حالىقارالىق عىلىمي-پراكتيكالىق كونفەرەنتسييا ٶتتٸ, دەپ حابارلايدى Ult.kz.
اۋقىمدى شارانى قىرعىزستاننىڭ «ماناس» ۇلتتىق اكادەميياسى, ي.اراباەۆ اتىنداعى قمۋ, قازاقستاننىڭ قازاق ۇلتتىق قىزدار پەداگوگيكالىق ۋنيۆەرسيتەتٸ جەنە ٶزبەكستاننىڭ انديجان مەملەكەتتٸك پەداگوگيكالىق ينستيتۋتى بٸرلەسٸپ ۇيىمداستىردى. كونفەرەنتسييا جۇمىسىنا قازاقستان, قىرعىزستان, رەسەي جەنە ٶزبەكستاننان كەلگەن عالىمدار, جاس وقىتۋشىلار, ماگيسترانتتار, دوكتورانتتار جەنە ستۋدەنتتەر قاتىستى.
قىرعىز, قازاق جەنە ٶزبەك تٸلدەرٸندە ونلاين جەنە وفلاين فورماتتا ٶتكەن بۇل كونفەرەنتسييانىڭ نەگٸزگٸ ماقساتى – جاس عالىمداردىڭ تسيفرلىق دەۋٸر جاعدايىنداعى تٸلدٸڭ ٶزەكتٸ مەسەلەلەرٸن زەردەلەي بٸلۋ قابٸلەتتەرٸن دامىتۋ, حالىقارالىق ىنتىماقتاستىقتى نىعايتۋ جەنە مەدەنيەتارالىق ديالوگتى كەڭەيتۋ.
ي.اراباەۆ اتىنداعى قمۋ-دىڭ مەملەكەتتٸك تٸل جەنە مەدەنيەت ينستيتۋتىنىڭ ديرەكتورى, پروفەسسور سامات جۇماليەۆ كونفەرەنتسييانىڭ اشىلۋىندا سٶز سٶيلەپ, شارانىڭ ماڭىزدىلىعىنا توقتالدى.
«بٷگٸنگٸ كونفەرەنتسييادا قازٸرگٸ تٸل مەسەلەلەرٸ, سونىڭ ٸشٸندە انا تٸلٸن وقىتۋدىڭ ٶزەكتٸ باعىتتارى, تسيفرلىق دەۋٸردەگٸ تٸلدٸڭ جاي-كٷيٸ مەن بولاشاعى قىزۋ تالقىلانۋدا. شارا جاس زەرتتەۋشٸلەردٸڭ عىلىمي ەلەۋەتٸن تانىپ, ولاردى تٸل مەسەلەلەرٸن شەشۋگە تارتۋعا باعىتتالعان», – دەدٸ سامات جۇماليەۆ.
فوتو: QyzPU
كونفەرەنتسييا اياسىندا 80-نەن استام عىلىمي بايانداما ۇسىنىلدى. ولاردىڭ ٸشٸندە 7 باياندامادا تٸكەلەي ساندىق دەۋٸردەگٸ مەملەكەتتٸك تٸلدٸڭ جاي-كٷيٸ مەن دامۋ باعىتتارى قاراستىرىلدى. عالىمدار تٸلدەردٸڭ دەموكراتييالانۋى, باق پەن ينتەرنەتتٸڭ ەسەرٸ, اۋىزشا سٶيلەۋ مەدەنيەتٸنٸڭ تٶمەندەۋٸ, تٸلدٸك اگرەسسييا قۇبىلىستارى سيياقتى ماڭىزدى مەسەلەلەردٸ كٶتەردٸ. سونىمەن قاتار ۇرپاقتان-ۇرپاققا جەتكەن اسىل مۇرامىز – انا تٸلٸمٸزدٸ ساقتاۋ, دامىتۋ جەنە ونىڭ قوعامدىق مەرتەبەسٸن ارتتىرۋ قاجەتتٸگٸ ەرەكشە اتالىپ ٶتتٸ.
كونفەرەنتسييا بارىسىندا تٸل مەن ەدەبيەتتٸڭ بايلانىسى, تٸل مەن تاريح, مەدەنيەت پەن پەداگوگيكا اراسىنداعى ٶزارا ىقپالداستىق مەسەلەلەرٸ دە كەڭٸنەن تالقىلاندى.
قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ پروفەسسورى, پەداگوگيكا عىلىمدارىنىڭ دوكتورى جارقىنبيكە نۋايقىزى كونفەرەنتسييا اياسىندا «قازاق تٸلٸن شەت تٸلٸ رەتٸندە وقىتۋدىڭ ٶزەكتٸ مەسەلەلەرٸ» تاقىرىبىندا قوناق دەرٸس وقىدى.
«قازاق تٸلٸنٸڭ مەملەكەتتٸك تٸل رەتٸندەگٸ دامۋى مەن حالىقارالىق دەڭگەيدە تانىلۋى – بٷگٸنگٸ كٷننٸڭ ٶزەكتٸ مەسەلەلەرٸنٸڭ بٸرٸ. ٶز دەرٸسٸمدە وسى باعىتتاعى جاڭا ەدٸستەمەلەر مەن باعدارلامالاردى ۇسىندىم. ٶز تٸلٸن قۇرمەتتەگەن ەلدٸڭ بولاشاعى جارقىن بولادى. بۇل كونفەرەنتسييا – تٸل تاعدىرى ٷشٸن عانا ەمەس, ەلدەر اراسىنداعى ىنتىماقتاستىق ٷشٸن دە ماڭىزدى باستاما», – دەدٸ عالىم.
QyzPU-دىڭ پروفەسسور-وقىتۋشىلار قۇرامى كونفەرەنتسييا جۇمىسىنا بەلسەنە قاتىسىپ, ٶز عىلىمي زەرتتەۋلەرٸمەن بٶلٸستٸ. ۋنيۆەرسيتەتتٸڭ باستامالارى تٸل مەن مەدەنيەتتٸ ساقتاۋ, عىلىمي ىقپالداستىقتى ارتتىرۋ باعىتىندا بولاشاقتا دا ٶز جالعاسىن تابارى سٶزسٸز.
بۇل حالىقارالىق ٸس-شارا قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ عىلىم مەن بٸلٸم بەرۋ سالاسىنداعى بەدەلٸ مەن بەلسەندٸ ۇستانىمىن تاعى بٸر مەرتە ايقىنداپ بەردٸ.
