Foto: QyzPU
11 sáýir kúni I.Arabaev atyndaǵy Qyrǵyz memlekettik ýniversitetiniń 80 jyldyq mereitoiyna orai «Sandyq dáýirdegi «Manas» eposy jáne memlekettik til» atty halyqaralyq ǵylymi-praktikalyq konferentsiia ótti, dep habarlaidy Ult.kz.
Aýqymdy sharany Qyrǵyzstannyń «Manas» ulttyq akademiiasy, I.Arabaev atyndaǵy QMÝ, Qazaqstannyń Qazaq ulttyq qyzdar pedagogikalyq ýniversiteti jáne Ózbekstannyń Andijan memlekettik pedagogikalyq institýty birlesip uiymdastyrdy. Konferentsiia jumysyna Qazaqstan, Qyrǵyzstan, Resei jáne Ózbekstannan kelgen ǵalymdar, jas oqytýshylar, magistranttar, doktoranttar jáne stýdentter qatysty.
Qyrǵyz, qazaq jáne ózbek tilderinde onlain jáne oflain formatta ótken bul konferentsiianyń negizgi maqsaty – jas ǵalymdardyń tsifrlyq dáýir jaǵdaiyndaǵy tildiń ózekti máselelerin zerdelei bilý qabiletterin damytý, halyqaralyq yntymaqtastyqty nyǵaitý jáne mádenietaralyq dialogty keńeitý.
I.Arabaev atyndaǵy QMÝ-dyń Memlekettik til jáne mádeniet institýtynyń direktory, professor Samat Jumaliev konferentsiianyń ashylýynda sóz sóilep, sharanyń mańyzdylyǵyna toqtaldy.
«Búgingi konferentsiiada qazirgi til máseleleri, sonyń ishinde ana tilin oqytýdyń ózekti baǵyttary, tsifrlyq dáýirdegi tildiń jai-kúii men bolashaǵy qyzý talqylanýda. Shara jas zertteýshilerdiń ǵylymi áleýetin tanyp, olardy til máselelerin sheshýge tartýǵa baǵyttalǵan», – dedi Samat Jumaliev.
Foto: QyzPU
Konferentsiia aiasynda 80-nen astam ǵylymi baiandama usynyldy. Olardyń ishinde 7 baiandamada tikelei sandyq dáýirdegi memlekettik tildiń jai-kúii men damý baǵyttary qarastyryldy. Ǵalymdar tilderdiń demokratiialanýy, BAQ pen internettiń áseri, aýyzsha sóileý mádenietiniń tómendeýi, tildik agressiia qubylystary siiaqty mańyzdy máselelerdi kóterdi. Sonymen qatar urpaqtan-urpaqqa jetken asyl muramyz – ana tilimizdi saqtaý, damytý jáne onyń qoǵamdyq mártebesin arttyrý qajettigi erekshe atalyp ótti.
Konferentsiia barysynda til men ádebiettiń bailanysy, til men tarih, mádeniet pen pedagogika arasyndaǵy ózara yqpaldastyq máseleleri de keńinen talqylandy.
Qazaq ulttyq qyzdar pedagogikalyq ýniversitetiniń professory, pedagogika ǵylymdarynyń doktory Jarqynbike Nýaiqyzy konferentsiia aiasynda «Qazaq tilin shet tili retinde oqytýdyń ózekti máseleleri» taqyrybynda qonaq dáris oqydy.
«Qazaq tiliniń memlekettik til retindegi damýy men halyqaralyq deńgeide tanylýy – búgingi kúnniń ózekti máseleleriniń biri. Óz dárisimde osy baǵyttaǵy jańa ádistemeler men baǵdarlamalardy usyndym. Óz tilin qurmettegen eldiń bolashaǵy jarqyn bolady. Bul konferentsiia – til taǵdyry úshin ǵana emes, elder arasyndaǵy yntymaqtastyq úshin de mańyzdy bastama», – dedi ǵalym.
QyzPU-dyń professor-oqytýshylar quramy konferentsiia jumysyna belsene qatysyp, óz ǵylymi zertteýlerimen bólisti. Ýniversitettiń bastamalary til men mádenietti saqtaý, ǵylymi yqpaldastyqty arttyrý baǵytynda bolashaqta da óz jalǵasyn tabary sózsiz.
Bul halyqaralyq is-shara Qazaq ulttyq qyzdar pedagogikalyq ýniversitetiniń ǵylym men bilim berý salasyndaǵy bedeli men belsendi ustanymyn taǵy bir márte aiqyndap berdi.
