مەجٸلٸستەگٸ ٷكٸمەت ساعاتىندا قر سىرتقى ٸستەر مينيسترٸ قايرات ەبدٸراحمانوۆ قازاقستاننىڭ بۇۇ قاۋٸپسٸزدٸك كەڭەسٸندە تٶراعالىعىنىڭ داتاسىن اتادى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«قاۋٸپسٸزدٸك كەڭەسٸندە (قك) بٸزدٸڭ تۇراقتى ەمەس مٷشەلٸكتەگٸ كۋلميناتسييالىق سەت اي سايىنعى اۋىسپالى جاڭاراتىن تٶراعالىق كەزٸندە بولادى, ياعني اتالعان ورگاندا 2018 جىلدىڭ قاڭتارى بارىسىندا بۇل مٸندەت قازاقستان رەسپۋبليكاسىنا تيەسٸلٸ», - دەدٸ مينيستر.
ونىڭ سٶزٸنە قاراعاندا, تٶراعالىقتىڭ نەگٸزگٸ مەسەلەسٸ تيٸستٸ قۇجاتتى قابىلداۋعا قاتىستى بولادى. بۇل رەتتە قك-نٸڭ قارارى قامتىلۋى ىقتيمال, ول ٷشٸن ورگان قۇرامىنداعى بارلىق مٷشەلەرٸنٸڭ كەلٸسٸمٸ قاجەت.
تٶراعالىق باستالعانعا دەيٸن قازاقستان رەسۋپبليكاسىنىڭ مٷددەسٸن ەسكەرەتٸن مەسەلەلەردٸ كەڭەس مٷشەلەرٸمەن كەلٸسۋ مەن تالقىلاۋ بويىنشا تيٸستٸ جۇمىستار جٷرگٸزٸلەدٸ.
«وسىعان بايلانىستى ەلەمدٸك قوعامداستىق پەن قك-نٸڭ نازارىن ورتالىق ازييا تاپ بولىپ وتىرعان سىن-قاتەرلەرگە اۋدارۋعا باعىتتالعان بٸزدٸڭ قادامدار بۇل ٶڭٸر بويىنشا سەرٸكتەستەرٸمٸزبەن تىعىز ٷيلەستٸرۋمەن جٷرگٸزٸلەدٸ. 2018 جىلدىڭ قاڭتارىندا قاۋٸپسٸزدٸك كەڭەسٸندە ەلٸمٸزدٸڭ تٶراعالىعىنان كەيٸن قول جەتكٸزٸلگەن ۋاعدالاستىقتاردى تەجٸريبە جٷزٸندە ٸسكە اسىرۋ جۇمىستارى اتقارىلادى», - دەدٸ ول.
ەستەرٸڭٸزگە سالا كەتەيٸك, 2017 جىلعى 1 قاڭتاردان باستاپ قازاقستان الداعى ەكٸ جىلدىق كەزەڭگە بٸرٸككەن ۇلتتار ۇيىمىنىڭ قاۋٸپسٸزدٸك كەڭەسٸنٸڭ تۇراقتى ەمەس مٷشەسٸ رەتٸندە ٶز جۇمىسىن باستادى.
