Májilistegi Úkimet saǵatynda QR Syrtqy ister ministri Qairat Ábdirahmanov Qazaqstannyń BUU Qaýipsizdik Keńesinde tóraǵalyǵynyń datasyn atady, dep habarlaidy Ult.kz tilshisi QazAqparat agenttigine silteme jasap.
«Qaýipsizdik Keńesinde (QK) bizdiń turaqty emes músheliktegi kýlminatsiialyq sát ai saiynǵy aýyspaly jańaratyn tóraǵalyq kezinde bolady, iaǵni atalǵan organda 2018 jyldyń qańtary barysynda bul mindet Qazaqstan Respýblikasyna tiesili», - dedi ministr.
Onyń sózine qaraǵanda, tóraǵalyqtyń negizgi máselesi tiisti qujatty qabyldaýǵa qatysty bolady. Bul rette QK-niń qarary qamtylýy yqtimal, ol úshin organ quramyndaǵy barlyq músheleriniń kelisimi qajet.
Tóraǵalyq bastalǵanǵa deiin Qazaqstan Resýpblikasynyń múddesin eskeretin máselelerdi keńes múshelerimen kelisý men talqylaý boiynsha tiisti jumystar júrgiziledi.
«Osyǵan bailanysty álemdik qoǵamdastyq pen QK-niń nazaryn Ortalyq Aziia tap bolyp otyrǵan syn-qaterlerge aýdarýǵa baǵyttalǵan bizdiń qadamdar bul óńir boiynsha seriktesterimizben tyǵyz úilestirýmen júrgiziledi. 2018 jyldyń qańtarynda Qaýipsizdik Keńesinde elimizdiń tóraǵalyǵynan keiin qol jetkizilgen ýaǵdalastyqtardy tájiribe júzinde iske asyrý jumystary atqarylady», - dedi ol.
Esterińizge sala keteiik, 2017 jylǵy 1 qańtardan bastap Qazaqstan aldaǵy eki jyldyq kezeńge Birikken Ulttar Uiymynyń Qaýipsizdik Keńesiniń turaqty emes múshesi retinde óz jumysyn bastady.
