پاندەمييا كەزٸندە مەملەكەتتٸك جٷيە ٷشٸن ساياسي شەشٸمدٸ شۇعىل قابىلداۋ – ٷلكەن سىنعا اينالدى. ستراتەگييالىق جوسپارلاۋ جەنە رەفورمالار اگەنتتٸگٸنٸڭ تٶراعاسى قايرات كەلٸمبەتوۆ رەفورمالار جٶنٸندەگٸ جوعارى كەڭەستٸڭ ٷشٸنشٸ وتىرىسى جٶنٸندە وسىنداي پٸكٸر بٸلدٸردٸ, دەپ حابارلايدى قازاقپارات.
«پاندەمييا ەكونوميكاعا قوس تاراپتان سالقىنىن تيگٸزدٸ. بٸر جاعىنان جاھاندىق ەكونوميكانىڭ قارقىنى بەسەڭدەدٸ. 2020 جىلى قاتەلەسپەسەم ەلەمدٸك جالپى ٸشكٸ ٶنٸم 4 پايىزعا تٶمەندەدٸ. ەكٸنشٸ جاعىنان شەكتەۋ شارالارى مەملەكەتتەردٸڭ بيۋدجەتٸنە, كٸرٸسٸنٸڭ ازايىپ, شىعىسىنىڭ ۇلعايۋىنا ەسەر ەتتٸ. پاندەمييا سونىمەن قاتار دەنساۋلىق ساقتاۋ جەنە بٸلٸم بەرۋ جٷيەسٸن سترەسس-تەستتەن ٶتكٸزگەنٸن بٸلەسٸزدەر. وسىنىڭ بەرٸ قازاقستان ٷكٸمەتٸنە داعدارىسقا قارسى تيٸستٸ شارالاردى ەنگٸزۋگە مەجبٷر ەتتٸ», - دەدٸ قايرات كەلٸمبەتوۆ ساراپشى راحىم وشاقباەۆپەن «حابار 24» ارناسىندا جٷرگٸزگەن سۇحباتىندا.
ونىڭ ايتۋىنشا, ٷكٸمەت داعدارىسقا قارسى شارالاردىڭ باسىم بٶلٸگٸن دەنساۋلىق ساقتاۋ جٷيەسٸنە باعىتتادى. ەكٸنشٸ جاعىنان كەسٸپكەرلٸك سالاسىنا وراسان زور قولداۋ قاجەت بولدى. سەبەبٸ ەرتٷرلٸ سەبەپكە بايلانىستى بٸراز ادام تۇراقتى تابىسىنان ايىرىلدى.
«مەملەكەت بۇل تۇرعىدا كەسٸپكەرلەرگە كٶمەكتەستٸ. مىسال رەتٸندە ايتارىم: 4,5 ميلليوننان استام ادامعا ايىنا 42 500 تەڭگەلٸك ەلەۋمەتتٸك تٶلەمدٸ بەرۋ ٷشٸن 450 ملرد تەڭگە جۇمسالدى. مۇنداي كٶمەكتٸ پوستكەڭەستٸك ەلدەردٸڭ ٸشٸندە حالقىنا قازاقستان عانا كٶرسەتكەنٸن اتاپ ٶتۋ كەرەك. وسىنىڭ بەرٸ دە كەيٸنگٸ 30 جىلدىڭ ٸشٸندە جولعا قويىلعان ەكونوميكالىق ساياساتتىڭ ارقاسىندا مٷمكٸن بولدى. تۇڭعىش پرەزيدەنت – ەلباسى باستاعان رەفورمالاردىڭ ارقاسىندا ارقاسٷيەر قور قالىپتاسقانىن پرەزيدەنت تە ٶز جولداۋىندا اتاپ ٶتتٸ», - دەدٸ ول.
دەگەنمەن قايرات كەلٸمبەتوۆ پاندەمييانىڭ سىن-تەگەۋرٸندەرٸنە تولىققاندى جاۋاپتى وسى شارالارمەن عانا بەرۋ كٷردەلٸرەك ەكەنٸن اتاپ ٶتتٸ.
«جاھاندىق ترەندتەر قاتتى ٶزگەرٸسكە ۇشىراۋدا. پاندەمييانىڭ ىقپالى مەن شەكارالاردىڭ جابىلۋى, ەكونوميكالىق ٶسٸم قارقىنىنىڭ تٶمەندەۋٸ – بيۋدجەتكە دە, ٷكٸمەتتٸڭ مٷمكٸندٸكتەرٸنە دە اۋىر جٷكتەمە تٷسٸردٸ. سول سەبەپتٸ مەملەكەت باسشىسى بيلٸك تۇتاس ەرەكەتتەسە وتىرىپ, قانداي دا بٸر زاڭنامالىق ٶتە شۇعىل شەشٸمدەردٸ قابىلدايتىن, جەدەل قاراجات بٶلە الاتىن جاڭا ينستيتۋتتىڭ كەرەكتٸگٸ جٶنٸندە توقتامعا كەلدٸ. ونىڭ باسىندا رەفورمالار جٶنٸندەگٸ جوعارى كەڭەس تۇرادى. ونىڭ قۇرامىندا ٷكٸمەتتٸڭ, «اتامەكەن» پالاتاسىنىڭ, پرەزيدەنت ەكٸمشٸلٸگٸنٸڭ ٶكٸلدەرٸ بار. ولار ٶتە ماڭىزدى ساياسي شەشٸمدەردٸ قابىلداي الادى. بۇل شەشٸمدەردٸ مەملەكەت باسشىسى بەكٸتەدٸ. مەملەكەتتٸك جٷيە ٷشٸن ساياسي شەشٸمدٸ شۇعىل قابىلداۋ – ەرەكشە سىن-تەگەۋرٸن بولدى. شەشٸمدٸ قابىلداۋمەن قاتار سول رەفورمالاردىڭ پارلامەنتتە جەدەل جٷرۋٸن قاداعالايتىن وسىنداي ينستيتۋت كەرەك بولدى», - دەدٸ ول.
ەسكە سالا كەتسەك, بٷگٸن اقوردادا مەملەكەت باسشىسى قاسىم-جومارت توقاەۆتىڭ تٶراعالىعىمەن رەفورمالار جٶنٸندەگٸ جوعارى كەڭەستٸڭ ٷشٸنشٸ وتىرىسى ٶتكەن بولاتىن. جيىندا قازاقستان رەسپۋبليكاسىنىڭ 2025 جىلعا دەيٸنگٸ ۇلتتىق دامۋ جوسپارىن ەزٸرلەۋ, مەملەكەتتٸك جوسپارلاۋدىڭ جاڭا جٷيەسٸ, مەملەكەتتٸك باسقارۋدى دامىتۋدىڭ 2030 جىلعا دەيٸنگٸ تۇجىرىمداماسى, 2021-2025 جىلدارعا ارنالعان جەكەشەلەندٸرۋ جوسپارىنىڭ جوباسى, سونداي-اق, جەدەل رەفورمالار پاكەتٸ جەنە ۇلتتىق حالىق ساناعىن ٶتكٸزۋ مەسەلەلەرٸ قاراستىرىلدى. وتىرىستا پرەزيدەنت مەملەكەتتٸك باسقارۋدى دامىتۋ ٷشٸن ٸس-قيمىلدار جوسپارىن قابىلداۋدى تاپسىردى.
