استانا قالاسىندا ٶتٸپ جاتقان بوكس كەشٸندە قازاقستاندىق كەسٸپقوي بوكسشى قانات يسلام كانادالىق برەندون كۋكتٸ تەحنيكالىق نوكاۋتپەن جەڭدٸ.
العاشقى راۋندتان جەكپە-جەك تارتىسقا تولى بولدى. قوس بوكسشى سالعاننان اشىق ايقاسقا شىعىپ, بٸر-بٸرٸنٸڭ وسال تۇسىن اڭدىپ باقتى. كٶپ سەتتە قازاق بوكسشىسى دەل سوققىلار باعىتتاپ, بەلسەندٸ كٶرٸندٸ. كانادالىق بوكسشى دا ۇتىمدى سەتتەردە دەل سوققىلار جاساپ, ساۋاتتى قورعانا بٸلدٸ. الايدا قانات يسلامنىڭ اۋىر سوققىلارىنا تٶتەپ بەرە الماي, ٷش مەترە نوۋداۋن الۋعا مەجبٷر بولدى. كەزدەسۋدٸڭ توعىزىنشى راۋندىندا قاناتتىڭ قارىمدى سوققىسى قارسىلاسىنا دەل تيٸپ, تٶرەشٸنٸڭ ارالاسۋىمەن جەكپە-جەك توقتاتىلدى.
وسىلايشا, قازاق بوكسشىسى سپورتتىق مانسابىندا ەشقاشان جەڭٸلٸپ كٶرمەگەن برەندون كۋكتٸ تەحنيكالىق نوكاۋتپەن جەڭٸپ, ٶزٸنٸڭ 25-شٸ جەڭٸسٸنە قول جەتكٸزدٸ.
ايتا كەتسەك, بۇعان دەيٸن العاشقى جەكپە-جەكتە قازاقستاندىق بوكسشى مەيٸرٸم نۇرسۇلتانوۆ بٸر مينۋتتىڭ ٸشٸندە ٶز قارسىلاسىن نوكاۋتپەن جەڭگەن بولاتىن.
ەكٸنشٸ كەزدەسۋدە ديماش نييازوۆ برازيلييالىق ەدۋاردو پەرەيرانى ۇپاي سانىمەن جەڭدٸ.
ٷشٸنشٸ جەكپە-جەكتە ايدوس ەربوسىنۇلى ارگەنتينالىق دجوناتان بارباديلونى نوكاۋتپەن جەڭدٸ.
تٶرتٸنشٸ كەزدەسۋدە ەلي احمەتوۆ امەريكالىق توماس دجاستيندٸ تەxنيكالىق نوكاۋتپەن جەڭدٸ.
ودان كەيٸنگٸ كەزدەسۋدە نۇرسۇلتان جاڭاباەۆ برازيلييالىق الەكس دۋارتەنٸ دە نوكاۋتپەن جەڭدٸ.
التىنشى جەكپە-جەكتە رۋسلان مىرساتاەۆ ارگەنتينالىق اندرەاس ماتياس افرانليدٸ ايقىن ۇتتى.
جەتٸنشٸ جەكپە-جەكتە جەنٸبەك ەلٸمحانۇلى برازيلييالىق جيلبەرتو پەرەيرۋ دوس سانتوستى ۇپاي سانىمەن جەڭدٸ.
ال, جانقوش تۇراروۆ ارگەنتينالىق برۋنو لەوناردو رومەيدٸ ۇپاي سانىمەن ۇتتى.
فوتو: inform.kz
