فوتو: اشىق دەرەككٶز
«زەكە, سەن مەنٸ كەشٸر! مەن شارشادىم» دەپ, شارشاڭقى, ەلدە ماساڭقى كٷيدە مۇڭىن شاققان ماقپال جٷنٸسوۆانىڭ ۆيدەوسى ەلەۋمەتتٸك جەلٸلەردٸ شۋلاتقانىنا كٶپ ۋاقىت ٶتكەن جوق. تانىمال ەنشٸنٸڭ كٶڭٸلٸنە قاياۋ تٷسٸرەتٸن نەندەي جاعداي بولدى دەپ, ٶنەر ادامدارى ٶرە تٷرەگەلدٸ. قولداپ جازبالار جازدى, قورعاپ, دۇشپانداردان اراشالاپ الدى. «جاقسى ادامعا شاڭ جۋىمايدى» دەيدٸ عوي, داتتاعاندار بولعانىمەن, حالىق سٷيٸكتٸسٸنٸڭ جاعىنا شىعىپ, قولداعاندار قاراسى ودان دا كٶپ بولدى. ەنشٸ «Din Dina Show» باعدارلاماسىندا اعىنان جارىلىپ, كەيٸنگٸ كەزدەرٸ مازالاپ جٷرگەن نە جاعدايلار ەكەنٸن ايتىپ بەردٸ.
اتىشۋلى ۆيدەودا ەنشٸ زامانبەك نۇرقادٸلوۆتەن قالعان ەكٸ زەۋلٸم ٷيدٸ اتاپ ٶتەدٸ. ول وسى ەكٸ ٷيدٸ كٷتٸپ-باپتايمىن دەپ شارشاعانىن دا ايتتى. "پەش اتىلىپ جاتسا, ٷيدٸڭ بەرٸ ازىناپ تۇرسا, قالاي شارشامايسىڭ?" دەيدٸ ەنشٸ. زەۋلٸم ٷيلەردٸ ساتپاۋعا زەكەڭنٸڭ اماناتى كەدەرگٸ بولىپ تۇرعان سىڭايلى:
"ٷيدٸ ساتپايتىن بولدىم. زەكەڭنٸڭ ٶز ەلٸندە مۇراجاي اشپاقشى ەكەن. دٷنيەسٸن سول جاققا تاپسىرامىن. جارتىلاي بەرٸپ جٸبەردٸم. ول ٷيدٸڭ بٸرەۋٸن مەرەيگە اتاعان. «مەرەيدٸ وسى جەردەن ۇزاتامىن» دەدٸ. كٷيەۋگە شىققاننان كەيٸن وسى جەردە تۇرادى دەدٸ. «وسى ٷيدە ۇزاتامىن» دەگەن ەڭگٸمەسٸن بٷكٸل تۋىسقاندار بٸلەدٸ, تانىستار بٸلەدٸ, بەرٸ ەستٸگەن. مەن دە ەندٸ مەرەيدٸ ۇزاتامىن دەپ سول ٷيدٸ ساقتاپ وتىرمىن", - دەيدٸ ەنشٸ.
ال ۆيدەولار سەريياسىنان كەيٸنگٸ حەيتكە ماقپال جٷنٸسوۆا تٸك تۇرىپ, تٶتەپ بەرگەنٸن ايتادى. كەشٸرٸم سۇراۋعا دا جٶنٸم جوق دەپ وتىر.
"مەن كەشٸرٸم سۇرايتىنداي, ەشكٸمنٸڭ باسىن جارعان جوقپىن, ەشكٸمدٸ اتقان جوقپىن. حەيت ماعان اۋىر تيگەن جوق. مەن مۇندايعا ٷيرەنگەنمٸن. سول ۆيدەودان كەيٸن تالاي جەرگە بارىپ ەن ايتىپ كەلدٸم. ەشكٸم ماعان ەشتەڭە دەگەن جوق. سوندىقتان دا دۇشپاندارعا دا مەرەكە سىيلاپ تۇرۋ كەرەك اندا-ساندا", - دەپ ەزٸلدەدٸ ەنشٸ.
ماقپال جٷنٸسوۆا بٸرنەشە جىل بۇرىن دا, ەلەۋمەتتٸك جەلٸنٸ شۋلاتقان ۆيدەو جارييالاپ, سٶزگە قالعانى بار. وندا قىزىنا بار شىندىقتى ايتقانىن, سودان كەيٸن ەكەۋٸ اراسىندا جانجال تۋىنداعانىن ايتىپ, حالىققا مۇڭىن شاققان ەدٸ. كەيٸن تٷسٸندٸرگەندەي, ول تۋعان باۋىرىنىڭ قىزىن اسىراپ العان.
"ماعان باۋىردىڭ بالاسى اۋىر بولعان جوق. مەن ونى الامىن دەپ تە ويلاعان جوقپىن. جوسپارلاپ, باۋىرىمىزدىڭ بالاسىن الايىق دەگەن ويدا دا بولماعان دٷنيە. كەلٸن ەكٸ قىز تۋعان عوي, سودان ٷشٸنشٸسٸ دە قىز بولعاندا باۋىرىم «تٶركٸنٸڭە كەت» دەپ, ەڭگٸمە ايتادى. سول ەڭگٸمەنٸ ەستٸگەندە, مەن ٷيدە اشۋلانىپ, زەكەڭە: «قۇداي-اي, بٸزگە بالا بەرمەي جاتقاندا, مىنالاردىكٸ نە ەڭگٸمە?» دەگەندە, زەكەڭ «وسى سەتتٸ پايدالانىپ قالايىق, سەن دە باقىتتى بولشى» دەپ, انا قىزدى الىپ كەتتٸك. قىز كەلگەن سوڭ ٶمٸرٸمٸز كەرەمەت بولىپ كەتتٸ, شىنى كەرەك. ٶزٸم تۋعانداي بولدىم. ەشكٸ ساتىپ الىپ, ٶزٸم ساۋىپ, ەشكٸنٸڭ سٷتٸمەن ٶسٸردٸم. زەكەڭ دە بٸر تۋىسقاندى جولاتپاي, اۋىرتىپ قوياسىڭدار دەپ, قاتتى جاقسى كٶردٸ. زەكەڭ ٶزٸ وعان ماسساج جاساپ, ٶزٸ جۋىندىرىپ, ونىمەن ويناپ, بالا سيياقتى جٷرەتٸن ەدٸ", - دەپ ەسكە الدى جٷنٸسوۆا.
قىزىنا شىندىقتى ايتۋعا زەكەڭنٸڭ اماناتى سەپ بولعان. كٶزٸ تٸرٸسٸندە قايراتكەر قىزى 18-گە تولعاندا بار شىندىقتى ايتامىن دەپ سٶز بەرگەن ەكەن.
"قىز 18-گە تولعاندا مەن ايتا المادىم. 20-عا جاقىنداعاندا ايتتىم عوي دەيمٸن. ول ەندٸ ٶستٸ عوي, جٸگٸتتەر كەزدەسۋگە شاقىرادى, تانىسادى. ەلٸم «البان» دەيدٸ, بٸراق ول البان ەمەس قوي, قاراكەسەكتٸڭ قىزى, ارعىن. سودان كەيٸن شىندىقتى ايتۋعا بەل بۋدىم. ول ٶزٸنٸڭ تەگٸن, ٶز رۋىن بٸلۋٸ كەرەك. ەرتەڭ كٷيەۋگە شىققاندا ٶمٸرٸن ٶتٸرٸكتەن باستاي ما?", - دەيدٸ ەنشٸ.
تانىمال تۇلعا, مٷيٸزٸ قاراعايداي ساياساتكەرمەن باس قوسامىن دەپ, ەنشٸنٸڭ تاعدىرى سىناقتارعا تولى بولعان سىڭايلى. ەنشٸ مۇنداي تاعدىردى ەۋ باستا قالاماعانىن دا جەتكٸزدٸ.
"ونىڭ ەسٸگٸن قاعىپ, بايعا شىعامىن دەگەن جوقپىن. ول كٸسٸ ٶزٸ ماعان عاشىق بولدى دا, ول ٶزٸنٸڭ دەگەنٸن جاسادى. «سەنٸ شەشەڭ بەرسە دە, بەرمەسە دە, سەنٸ الامىن» دەدٸ, بولدى. قولىندا بيلٸگٸ بولدى, ارتىندا بٸز قورقاتىن ادامدار بولدى. بٸز قورىقتىق ودان, شىنى كەرەك. كەيٸن 1-2 جىلدا سىيلاستىق كەلدٸ", - دەپ ەڭگٸمەلەيدٸ وتباسىلىق ٶمٸرٸ تۋرالى.
قوعام قايراتكەرٸمەن سىناققا تولى ٶمٸرٸندە تٸپتٸ قاستاندىققا دا تاپ بولعانىن ايتادى. مۇنى كٷيەۋٸنٸڭ دۇشپاندارى ەمەس, تۋعان قىزى جاساعانى دا كٶڭٸلٸنە قاياۋ تٷسٸرٸپ, جىلدار بويى جالعاسقان دۇشپاندىققا ەكەلدٸ.
"رەسپۋبليكا سارايىنىڭ جانىندا, كونتسەرتتٸڭ الدىندا قۇرالاي پىشاقتاپ كەتكەن. پىشاق قولىما تيدٸ, ەلٸ دە تىرتىق بار. كونتسەرتتەن كەيٸن «ماقپال, پرەزيدەنتكە دەيٸن جەتٸپتٸ. ەرتەڭ ميليتسييا كەلەدٸ, مەنٸڭ قىزىم دەپ جازباشى» دەگەن زەكەڭنەن ٶتٸنٸش حات كەلدٸ. سول كەزدە "زەكەڭ ەلٸنٸڭ ازاماتى عوي, تٸرٸ قالدىق قوي, ەيتەۋٸر" دەپ ونىڭ قىزى ەمەس دەپ جازىپ بەردٸم. سٸڭلٸم مارال جانىمدا تۇرىپ, «ەرتەڭ ٶلتٸرٸپ كەتسە كٸم جاۋاپ بەرەدٸ?» دەپ ۇرىستى ماعان. «قالانىڭ دارداي باستىعى, وبال عوي سونداي ازاماتقا. حالىققا قانداي جاقسىلىق جاساپ جاتىر» دەپ, مەن جاسٶسپٸرٸمدەر قاستاندىق جاسادى دەپ جازىپ بەردٸم. ەكەسٸنٸڭ ابىرويىن ويلاپ, ونى كەشٸردٸم. بٸراق ول مۇنى تٷسٸندٸ مە?", - دەپ كٷيٸندٸ جٷنٸسوۆا.
2 جەلتوقساندا الماتى وبلىسى كەگەن اۋدانىنىڭ ورتالىعىندا زامانبەك نۇرقادٸلوۆكە ارنالعان ەسكەرتكٸش-بيۋست اشىلدى. سالتاناتتى جيىنعا قوعام قايراتكەرٸنٸڭ ٷلكەن ۇلى مەن قىزى قاتىستى. الايدا, ٶمٸرٸنٸڭ سوڭىندا جانىندا بولعان جارى - ماقپال جٷنٸسوۆا شارادا كٶرٸنگەن جوق.
"ٶزٸن-ٶزٸ اتتى دەگەن نەرسە ەلٸ تۇر عوي. سوعان قاراماستان بارىپ ەسكەرتكٸش اشامىز دەيدٸ. سونداي تٸرٸلٸپ كەلە مە ول كٸسٸ?", - دەيدٸ ەنشٸ.
وقي وتىرىڭىز: "ماقپالدى اقتاماڭدار": ٶنەر ادامدارى ماقپال جٷنٸسوۆاعا قولداۋ بٸلدٸرٸپ جاتىر
