رەسەي سيرييانىڭ امەريكالىق ەسكەريلەر ورنالاسۋى مٷمكٸن اۋداندارىنا سوققى جاساۋعا دايىندالىپ جاتقانى تۋرالى اقش-قا بٸر اپتا ٸشٸندە ەكٸ رەت ەسكەرتكەن. بۇل تۋرالى CNN ٶز دەرەككٶزدەرٸنە سٸلتەمە جاساپ حابارلادى. مەسكەۋ سوققى جاسايتىن اۋدانداردا قارۋلى يسلامشىل توپتار بەكٸنگەن دەپ سانايدى.
CNN دەرەككٶزٸنٸڭ مەلٸمەتٸنشە, ۆاشينگتون حومس پروۆينتسيياسىنداعى ەت-تانف اۋدانىنا قاتىستى الاڭدايدى. مۇندا امەريكالىق ەسكەري بازا ورنالاسقان. اقش ەسكەريلەرٸ رەسەي اۆياتسيياسى مٷلت كەتٸپ, ٶز نىساندارىنا سوققى جاساي قالعان جاعدايدا قارسى شابۋىل جاسالۋى مٷمكٸن ەكەنٸن ەسكەرتكەن. سيرييادا ەكٸ مىڭنان استام امەريكالىق ەسكەري قىزمەتكەر بار.
بۇعان دەيٸن Washington Post گازەتٸ اقش مەملەكەتتٸك دەپارتامەنتٸنٸڭ جوعارى شەندٸ ٶكٸلٸنە سٸلتەمە جاساپ, پرەزيدەنت دونالد ترامپ امەريكالىق ەسكەريلەردٸ سيرييادا قالدىرا بەرۋگە جەنە ۆاشينگتوننىڭ ايماقتا ٶز ماقساتىنا جەتۋٸ ٷشٸن ديپلوماتييالىق قىسىمدى جالعاستىرۋعا كەلٸسكەنٸن حابارلاعان.
