Resei Siriianyń amerikalyq áskeriler ornalasýy múmkin aýdandaryna soqqy jasaýǵa daiyndalyp jatqany týraly AQSh-qa bir apta ishinde eki ret eskertken. Bul týraly CNN óz derekkózderine silteme jasap habarlady. Máskeý soqqy jasaityn aýdandarda qarýly islamshyl toptar bekingen dep sanaidy.
CNN derekkóziniń málimetinshe, Vashington Homs provintsiiasyndaǵy Et-Tanf aýdanyna qatysty alańdaidy. Munda amerikalyq áskeri baza ornalasqan. AQSh áskerileri Resei aviatsiiasy múlt ketip, óz nysandaryna soqqy jasai qalǵan jaǵdaida qarsy shabýyl jasalýy múmkin ekenin eskertken. Siriiada eki myńnan astam amerikalyq áskeri qyzmetker bar.
Buǵan deiin Washington Post gazeti AQSh Memlekettik departamentiniń joǵary shendi ókiline silteme jasap, prezident Donald Tramp amerikalyq áskerilerdi Siriiada qaldyra berýge jáne Vashingtonnyń aimaqta óz maqsatyna jetýi úshin diplomatiialyq qysymdy jalǵastyrýǵa keliskenin habarlaǵan.
