بٷگٸن ەنەرگەتيكا مينيسترٸ قانات بوزىمباەۆ جانار-جاعارماي ماتەريالدارى باعاسىن بەلگٸلەۋ بويىنشا جيىن ٶتكٸزدٸ. ول رەسەي فەدەراتسيياسىنىڭ شەكارا نارىعىندا ديزەلدٸ وتىن مەن بەنزيندٸ تۇتىنۋ كٶلەمٸ كٷرت ارتقانىنا الاڭدايتىنىن جەتكٸزدٸ.
«وتاندىق مۇناي ٶڭدەۋ زاۋىتتارىن جاڭعىرتۋدىڭ ارقاسىندا بٷگٸندە ٸشكٸ تۇتىنۋ تولىقتاي قامتىلدى. بٷگٸن ەلٸمٸزدە مۇناي بازاسىنداعى قور ٷلكەن, 352 مىڭ توننانى قۇرايدى. جىل باسىمەن سالىستىرعاندا مۇناي باعاسى ٶسسە دە بٶلشەك باعادا بەنزيننٸڭ ليترٸ 160-155 تەڭگە دەيٸن تٶمەندەدٸ», - دەدٸ مينيستر.
ول ديزەل وتىنىنىڭ نارىقتاعى باعاسى تۋرالى دا ايتا كەتتٸ.
«ەكٸنشٸ جارتى جىلدىقتا ديزەل وتىنى باعاسىنىڭ ٶسۋٸن بايقاپ وتىرمىز. بۇل وبەكتيۆتٸ, سۋبەكتيۆتٸ سەبەپتەرگە بايلانىستى: ديزەل وتىنىن تۇتىنۋ ماۋسىمى, جىل سايىن بولاتىن اۋىل شارۋاشىلىعى ٶندٸرۋشٸلەرٸنٸڭ جيناۋ جۇمىستارى. ديزەلدٸ وتىنعا ترانزيتتٸ اۆتوكٶلٸكتەر سۇرانىسى ارتىپ وتىر, ەلٸمٸزدەگٸ جانارماي قۇيۋ بەكەتتەرٸندە باسقا ەلدەرمەن سالىستىرعاندا باعا تٶمەن. مىسالى, رەسەي فەدەراتسيياسىمەن سالىستىرعاندا جانارماي قۇيۋ بەكەتتەرٸندەگٸ باعا الشاقتىعى 55-60 تگ/ل تۇرادى. جاڭا جىلدان كەيٸن بۇل الشاقتىق ارتادى دەگەن قاۋٸپ بار», - دەدٸ بوزىماەۆ.
مينيسترلٸك قاراشا ايىندا ديزەل وتىنىنىڭ باعاسى تٶمەندەيدٸ دەپ كٷتٸلگەنٸن اتاپ ٶتتٸ. 1 قاراشادا ديزەلدٸڭ اكتسيز مٶلشەرلەمەسٸ 549 مىڭ 300 تەڭگەدەن 540 مىڭ تەڭگەگە دەيٸن تٶمەندەگەن.
«رەسەي فەدەراتسيياسىنىڭ شەكارا نارىعىندا ديزەلدٸ وتىن مەن بەنزيندٸ تۇتىنۋ كٶلەمٸ كٷرت ارتتى. بٷگٸندە 3 ملن حالىق ٶمٸر سٷرەتٸن تٷركٸستان وبلىسى مەن شىمكەنت قالاسىن 700-800 مىڭ ادام ٶمٸر سٷرەتٸن بقو مەن قوستاناي وبلىستارىمەن سالىستىراتىن بولساق, سوڭعى ەكٸ وبلىس وڭتٷستٸكپەن سالىستىرعاندا ديزەل وتىنى مەن بەنزيندٸ ەلدەقايدا كٶپ تۇتىنادى. ياعني, شەتەلگە كەتەدٸ دەگەن سٶز. رەسەي فەدەراتسيياسىنا اۋىر جٷك ماشينالارىمەن جەتكٸزٸلەدٸ. ولار ٶزدەرٸنە قوسىمشا باك قوندىرىپ الادى. مۇنداي فاكتٸلەر بار. شەكارامىزدىڭ كەڭ ەكەنٸ تٷسٸنٸكتٸ. پرەمەر-مينيسترگە وسى فاكتٸلەردٸ باياندادىم. ەگەر رەسەيدە باعا ٶسەتٸن بولسا, ول جاققا ەلٸمٸزدەن بەرٸ جەتكٸزٸلۋٸ مٷمكٸن. سول سەبەپتٸ بۇل مەسەلەنٸ شەكارامىزدا قاداعالاۋىمىز كەرەك. پرەمەر-مينيستر ٶزٸنٸڭ ورىنباسارى دوساەۆقا تاپسىرما بەردٸ. ەرٸپتەستەر, سٸزدەرمەن بٸرگە نارىعىمىزدى قورعاۋ تۋرالى ۇسىنىستاردى تالقىلاپ, ولاردى جۇما كٷنٸ ٷكٸمەتكە باياندايمىز. بۇدان باسقا جول جوق», - دەدٸ ەنەرگەتيكا مينيتسرٸ.
ول بۇل مەسەلەنٸ باعانى رەسەيدٸكٸندەي كٶتەرۋ ارقىلى شەشۋ جولى بارىن, بٸراق بۇل مٷمكٸن ەمەس ەكەنٸن ايتتى. ياعني ديزەل وتىنىن 250 تگ, بەنزيندٸ 240 تەڭگەگە دەيٸن كٶتەرۋ – بوس قييال.
«بٸرٸنشٸ نۇسقا بويىنشا جۇمىس ٸستەيتٸن بولامىز. سول كەزدە جانارمايدى ٶز شەكارامىزدا تۇتىناتىن بولامىز. ديزەل وتىنىنىڭ باعاسىن تٶمەندەتۋ اۋقىمدى جەلٸلەردٸڭ عانا ەمەس, سونداي-اق جانارماي قۇيۋ بەكەتتەرٸنٸڭ قوجايىندارىنا دا قاتىستى. 1 قاراشادا ديزەل وتىنى اكتسيزٸ تٶمەندەدٸ. سول سەبەپتٸ بارلىق جانارماي قۇيۋ بەكەتتەرٸ ديزەل وتىنىنا ادەكۆاتتى باعا قويۋ شارالارىن قابىلداۋ قاجەت. كٶتەرمە ساۋدا كومپانييالارى دا باعانى تٶمەندەتۋٸ تيٸس. بٸز باعانى نارىق رەتتەيتٸنٸن تٷسٸنەمٸز. ديزەل وتىنىنىڭ باعاسى مەملەكەت تاراپىنان رەتتەلمەيدٸ. سٸزدەردٸڭ ٸستەرٸڭٸزگە بٸز كٸرٸسە الامىز, قانداي دا بٸر ٶتٸنٸش جاساي الامىز. سەبەبٸ ەگەر بٸز كٶمەكتەسپەسەك الداعى ۋاقىتتا شەكارادا سٸزدەردە پروبلەما بولۋى مٷمكٸن», - دەپ ەسكەرتتٸ بوزىمباەۆ مۇناي ٶنٸمدەرٸن ٶندٸرەتٸن جەنە ساتاتىن كومپانييا يەلەرٸنە.
