قوستاناي وبلىسىنىڭ تۇرعىنى تسيفرلىق اكتيۆتەرمەن زاڭسىز وپەراتسييالار جٷرگٸزۋ ارقىلى تاپقان 1,9 ميلليارد تەڭگەدەن استام قاراجاتىنان ايىرىلدى. سوت ونىڭ مٷلكٸن تەركٸلەپ, ەكٸ جىلعا باس بوستاندىعىنان ايىردى, دەپ حابارلايدى ult.kz.
قوستاناي وبلىسى پروكۋراتۋراسىنىڭ مەلٸمەتٸنشە, 14 شٸلدەدە 28 جاستاعى ەر ادامعا قاتىستى شىعارىلعان ٷكٸم زاڭدى كٷشٸنە ەندٸ. ول تسيفرلىق اكتيۆتەردٸڭ زاڭسىز اينالىمىن ۇيىمداستىرعانى جەنە قىلمىستىق جولمەن الىنعان اقشانى زاڭداستىرعانى (جىلىستاتقانى) ٷشٸن كٸنەلٸ دەپ تانىلدى.
تەرگەۋ بارىسىندا انىقتالعانداي, سوتتالۋشى 2020–2024 جىلدار ارالىعىندا تيٸستٸ ليتسەنزيياسىز Binance پلاتفورماسىنىڭ P2P سەرۆيسٸ ارقىلى قامتاماسىز ەتٸلمەگەن تسيفرلىق اكتيۆتەردٸ ساتىپ الۋ-ساتۋمەن زاڭسىز اينالىسقان.
قارجىلىق وپەراتسييالاردى جٷرگٸزۋ ٷشٸن ول ٶزٸنٸڭ, سونداي-اق تۋىستارى مەن ٶزگە ادامداردىڭ اتىنا رەسٸمدەلگەن بانك شوتتارىن پايدالانعان.
تەرگەۋ دەرەگٸنە سەيكەس, زاڭسىز قىزمەتتەن تٷسكەن تابىس 1,9 ميلليارد تەڭگەدەن اسقان. اقشانىڭ شىعۋ تەگٸن جاسىرۋ ٷشٸن ول قاراجاتتى ەكٸنشٸ دەڭگەيلٸ بانكتەردەگٸ دەپوزيتتەرگە ورنالاستىرىپ وتىرعان.
پروكۋراتۋرانىڭ تالاپ-ارىزى نەگٸزٸندە سوت زاڭسىز جولمەن الىنعان 1,9 ميلليارد تەڭگەدەن استام قاراجاتتى مەملەكەت كٸرٸسٸنە ٶندٸرۋ تۋرالى شەشٸم شىعاردى.
بۇدان بٶلەك, 13,4 ميلليون تەڭگە, ەكٸ جەڭٸل اۆتوكٶلٸك جەنە قۇنى 7,9 مىڭ اقش دوللارىن قۇرايتىن تسيفرلىق اكتيۆتەر تەركٸلەندٸ.
سونداي-اق سوتتالعان ازامات جەتٸ جىلعا تسيفرلىق اكتيۆتەردٸ شىعارۋ, ولاردىڭ اينالىمىن ۇيىمداستىرۋ جەنە تسيفرلىق ماينينگ قىزمەتٸمەن اينالىسۋ قۇقىعىنان ايىرىلدى.
ەسكە سالايىق, بۇعان دەيٸن استانا قالاسىنىڭ ەكونوميكالىق تەرگەپ-تەكسەرۋ دەپارتامەنتٸ ۋكراينانىڭ ٷش ازاماتىنا حالىقارالىق ٸزدەۋ جارييالاعان بولاتىن. شەتەلدٸك باق ولاردىڭ ەكەۋٸن اينالىمى شامامەن 1 ميلليارد دوللاردى قۇرايتىن زاڭسىز ونلاين-كازينو ٸسٸمەن بايلانىستىرعان.
