Qostanai oblysynyń turǵyny tsifrlyq aktivtermen zańsyz operatsiialar júrgizý arqyly tapqan 1,9 milliard teńgeden astam qarajatynan aiyryldy. Sot onyń múlkin tárkilep, eki jylǵa bas bostandyǵynan aiyrdy, dep habarlaidy ult.kz.
Qostanai oblysy prokýratýrasynyń málimetinshe, 14 shildede 28 jastaǵy er adamǵa qatysty shyǵarylǵan úkim zańdy kúshine endi. Ol tsifrlyq aktivterdiń zańsyz ainalymyn uiymdastyrǵany jáne qylmystyq jolmen alynǵan aqshany zańdastyrǵany (jylystatqany) úshin kináli dep tanyldy.
Tergeý barysynda anyqtalǵandai, sottalýshy 2020–2024 jyldar aralyǵynda tiisti litsenziiasyz Binance platformasynyń P2P servisi arqyly qamtamasyz etilmegen tsifrlyq aktivterdi satyp alý-satýmen zańsyz ainalysqan.
Qarjylyq operatsiialardy júrgizý úshin ol óziniń, sondai-aq týystary men ózge adamdardyń atyna rásimdelgen bank shottaryn paidalanǵan.
Tergeý deregine sáikes, zańsyz qyzmetten túsken tabys 1,9 milliard teńgeden asqan. Aqshanyń shyǵý tegin jasyrý úshin ol qarajatty ekinshi deńgeili bankterdegi depozitterge ornalastyryp otyrǵan.
Prokýratýranyń talap-aryzy negizinde sot zańsyz jolmen alynǵan 1,9 milliard teńgeden astam qarajatty memleket kirisine óndirý týraly sheshim shyǵardy.
Budan bólek, 13,4 million teńge, eki jeńil avtokólik jáne quny 7,9 myń AQSh dollaryn quraityn tsifrlyq aktivter tárkilendi.
Sondai-aq sottalǵan azamat jeti jylǵa tsifrlyq aktivterdi shyǵarý, olardyń ainalymyn uiymdastyrý jáne tsifrlyq maining qyzmetimen ainalysý quqyǵynan aiyryldy.
Eske salaiyq, buǵan deiin Astana qalasynyń Ekonomikalyq tergep-tekserý departamenti Ýkrainanyń úsh azamatyna halyqaralyq izdeý jariialaǵan bolatyn. Sheteldik BAQ olardyń ekeýin ainalymy shamamen 1 milliard dollardy quraityn zańsyz onlain-kazino isimen bailanystyrǵan.
