«Qazaqmys korporatsiiasy» JShS Basqarma tóraǵasy Rýslan Óskenáli QR Tótenshe jaǵdailar ministri Murat Mýhanovpen jáne Ulytaý oblysynyń ákimi Eset Baikenmen birge «Jomart» kenishine jumys saparymen bardy, dep habarlaidy Toppress kompaniianyń baspasóz qyzmetine silteme jasap, dep habarlaidy Ult.kz.
Sapar barysynda taraptar ónerkásiptik qaýipsizdiktiń aǵymdaǵy jai-kúiimen, engizilip jatqan tehnikalyq sheshimdermen jáne óndiristik infraqurylymdy jańǵyrtý barysymen tanysty. Rýslan Óskenáli kenish atmosferasyn baqylaýdy kúsheitýge, jeldetý júiesiniń senimdiligin arttyrýǵa, taý-ken massiviniń jai-kúiine monitoring júrgizýge jáne jerasty tehnikasyn zamanaýi qorǵanys keshenderimen jaraqtandyrýǵa baǵyttalǵan iske asyrylǵan ári aǵymdaǵy jobalardy tanystyrdy. Delegatsiia músheleri óndiristik ýchaskelerdi aralap, jumys istep turǵan júielerdiń tynys-tirshiligin tekserdi.
Kásiporynda aýany úzdiksiz baqylaýǵa erekshe kóńil bólinedi. Statsionarlyq gaz taldaǵyshtar táýlik boiy derekterdi biryńǵai dispetcherlik ortalyqqa jiberedi, al kenshiler qosymsha 130 tasymaly aspapty paidalanady. Ózdiginen júretin 62 jerasty tehnikasyna metannyń ruqsat etilgen kontsentratsiiasy asqan kezde jabdyqtyń jumysyn birden buǵattaityn metandy avtomatty baqylaý júieleri (metan-rele) ornatylǵan.
Paralleldi túrde kenishte jeldetý júiesin aýqymdy jańǵyrtý júrip jatyr. Negizgi jeldetý qondyrǵylaryn kúrdeli jóndeýden ótkizip, tereńdigi 600 metrge deiingi jańa uńǵymany burǵylaǵannan keiin taza aýa berý kólemi sekýndyna 200 tekshe metrge artty. Qyrkúiek aiynda kásiporyn Korfmann markaly úsh qondyrǵy men VME seriialy alty shahtalyq jeldetkish satyp aldy, al 2026 jyldyń sońyna deiin taǵy úsh jeldetkishti montajdaý josparlanǵan. Jeldetý jabdyqtaryn jańartýǵa salynǵan investitsiia 306,9 million teńgeni qurady. Budan bólek, taý-ken qazbalaryn oqshaýlaý arqyly jeldetýdi uiymdastyrý úshin úshinshi jeldetý opanshasyn salý jalǵasýda.
Sandyq jáne geomehanikalyq baqylaý úshin kenishte qyzmetkerlerdiń ornalasqan jerin anyqtaý jáne apattyq habarlaý júiesiniń jumysyn qamtamasyz etetin 58 shaqyrym sáýlelendirgish kabel tóselgen. 2026 jyldyń shilde aiynan bastap nysanda jerasty qazbalarynyń jai-kúiin naqty ýaqyt rejiminde baqylaýǵa múmkindik beretin geomehanikalyq Monitoringtiń biryńǵai tsifrlyq júiesi jumys isteidi. Barlyq tehnikalyq sheshimder beiindi ǵylymi uiymdardyń zertteýlerimen dáleldengen.
«Jomart» kenishinde óndiristik qaýipsizdikti arttyrýdyń keshendi baǵdarlamasy 45 is-sharany qamtidy, onyń 40-y tolyǵymen oryndaldy. Jobany qarjylandyrýdyń jalpy kólemi 2,7 milliard teńgeni quraidy, al qalǵan jumystar aiaqtalý satysynda.
