«قازاقمىس كورپوراتسيياسى» جشس باسقارما تٶراعاسى رۋسلان ٶسكەنەلٸ قر تٶتەنشە جاعدايلار مينيسترٸ مۇرات مۋحانوۆپەن جەنە ۇلىتاۋ وبلىسىنىڭ ەكٸمٸ ەسەت بايكەنمەن بٸرگە «جومارت» كەنٸشٸنە جۇمىس ساپارىمەن باردى, دەپ حابارلايدى Toppress كومپانييانىڭ باسپاسٶز قىزمەتٸنە سٸلتەمە جاساپ, دەپ حابارلايدى Ult.kz.
ساپار بارىسىندا تاراپتار ٶنەركەسٸپتٸك قاۋٸپسٸزدٸكتٸڭ اعىمداعى جاي-كٷيٸمەن, ەنگٸزٸلٸپ جاتقان تەحنيكالىق شەشٸمدەرمەن جەنە ٶندٸرٸستٸك ينفراقۇرىلىمدى جاڭعىرتۋ بارىسىمەن تانىستى. رۋسلان ٶسكەنەلٸ كەنٸش اتموسفەراسىن باقىلاۋدى كٷشەيتۋگە, جەلدەتۋ جٷيەسٸنٸڭ سەنٸمدٸلٸگٸن ارتتىرۋعا, تاۋ-كەن ماسسيۆٸنٸڭ جاي-كٷيٸنە مونيتورينگ جٷرگٸزۋگە جەنە جەراستى تەحنيكاسىن زاماناۋي قورعانىس كەشەندەرٸمەن جاراقتاندىرۋعا باعىتتالعان ٸسكە اسىرىلعان ەرٸ اعىمداعى جوبالاردى تانىستىردى. دەلەگاتسييا مٷشەلەرٸ ٶندٸرٸستٸك ۋچاسكەلەردٸ ارالاپ, جۇمىس ٸستەپ تۇرعان جٷيەلەردٸڭ تىنىس-تٸرشٸلٸگٸن تەكسەردٸ.
كەسٸپورىندا اۋانى ٷزدٸكسٸز باقىلاۋعا ەرەكشە كٶڭٸل بٶلٸنەدٸ. ستاتسيونارلىق گاز تالداعىشتار تەۋلٸك بويى دەرەكتەردٸ بٸرىڭعاي ديسپەتچەرلٸك ورتالىققا جٸبەرەدٸ, ال كەنشٸلەر قوسىمشا 130 تاسىمالى اسپاپتى پايدالانادى. ٶزدٸگٸنەن جٷرەتٸن 62 جەراستى تەحنيكاسىنا مەتاننىڭ رۇقسات ەتٸلگەن كونتسەنتراتسيياسى اسقان كەزدە جابدىقتىڭ جۇمىسىن بٸردەن بۇعاتتايتىن مەتاندى اۆتوماتتى باقىلاۋ جٷيەلەرٸ (مەتان-رەلە) ورناتىلعان.
پاراللەلدٸ تٷردە كەنٸشتە جەلدەتۋ جٷيەسٸن اۋقىمدى جاڭعىرتۋ جٷرٸپ جاتىر. نەگٸزگٸ جەلدەتۋ قوندىرعىلارىن كٷردەلٸ جٶندەۋدەن ٶتكٸزٸپ, تەرەڭدٸگٸ 600 مەترگە دەيٸنگٸ جاڭا ۇڭعىمانى بۇرعىلاعاننان كەيٸن تازا اۋا بەرۋ كٶلەمٸ سەكۋندىنا 200 تەكشە مەترگە ارتتى. قىركٷيەك ايىندا كەسٸپورىن Korfmann ماركالى ٷش قوندىرعى مەن ۆمە سەرييالى التى شاحتالىق جەلدەتكٸش ساتىپ الدى, ال 2026 جىلدىڭ سوڭىنا دەيٸن تاعى ٷش جەلدەتكٸشتٸ مونتاجداۋ جوسپارلانعان. جەلدەتۋ جابدىقتارىن جاڭارتۋعا سالىنعان ينۆەستيتسييا 306,9 ميلليون تەڭگەنٸ قۇرادى. بۇدان بٶلەك, تاۋ-كەن قازبالارىن وقشاۋلاۋ ارقىلى جەلدەتۋدٸ ۇيىمداستىرۋ ٷشٸن ٷشٸنشٸ جەلدەتۋ وپانشاسىن سالۋ جالعاسۋدا.
ساندىق جەنە گەومەحانيكالىق باقىلاۋ ٷشٸن كەنٸشتە قىزمەتكەرلەردٸڭ ورنالاسقان جەرٸن انىقتاۋ جەنە اپاتتىق حابارلاۋ جٷيەسٸنٸڭ جۇمىسىن قامتاماسىز ەتەتٸن 58 شاقىرىم سەۋلەلەندٸرگٸش كابەل تٶسەلگەن. 2026 جىلدىڭ شٸلدە ايىنان باستاپ نىساندا جەراستى قازبالارىنىڭ جاي-كٷيٸن ناقتى ۋاقىت رەجيمٸندە باقىلاۋعا مٷمكٸندٸك بەرەتٸن گەومەحانيكالىق مونيتورينگتٸڭ بٸرىڭعاي تسيفرلىق جٷيەسٸ جۇمىس ٸستەيدٸ. بارلىق تەحنيكالىق شەشٸمدەر بەيٸندٸ عىلىمي ۇيىمداردىڭ زەرتتەۋلەرٸمەن دەلەلدەنگەن.
«جومارت» كەنٸشٸندە ٶندٸرٸستٸك قاۋٸپسٸزدٸكتٸ ارتتىرۋدىڭ كەشەندٸ باعدارلاماسى 45 ٸس-شارانى قامتيدى, ونىڭ 40-ى تولىعىمەن ورىندالدى. جوبانى قارجىلاندىرۋدىڭ جالپى كٶلەمٸ 2,7 ميلليارد تەڭگەنٸ قۇرايدى, ال قالعان جۇمىستار اياقتالۋ ساتىسىندا.
