قازاقستان رەسپۋبليكاسى مەدەنيەت جەنە سپورت مينيسترلٸگٸ «قازاقستان رەسپۋبليكاسىنىڭ ۇلتتىق مۋزەيٸ» رمكك جانىنان «ساكرالدى قازاقستان» عىلىمي-زەرتتەۋ ورتالىعى جاڭا مەكەمەسٸ قۇرىلدى, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
«ساكرالدى قازاقستان» عىلىمي-زەرتتەۋ ورتالىعى قىزمەتٸنٸڭ نەگٸزگٸ ماقساتى - ٶلكەتانۋ بويىنشا عىلىمي-زەرتتەۋ جۇمىسى, ٶلكەتانۋ سالاسىنداعى اعارتۋشىلىق جۇمىس, رەسپۋبليكاداعى ٶلكەتانۋ جۇمىستارىن ەدٸستەمەلٸك قامتاماسىز ەتۋ, مەملەكەتتٸك جەنە قوعامدىق ٶلكەتانۋ ۇيىمدارىمەن, جەرگٸلٸكتٸ مەملەكەتتٸك ورگاندار, بٸلٸم بەرۋ مەكەمەلەرٸ, قازاقستاننىڭ ارحيۆتەرٸ مەن مۋزەيلەرٸمەن بٸرگە ىنتىماقتاستىقتا ٶلكەتانۋ تاقىرىبىنداعى عىلىمي-زەرتتەۋ ٸس-شارالارىن ۇيىمداستىرۋ.
قازٸرگٸ تاڭدا قازاقستاندا قر تۇڭعىش پرەزيدەنتٸ - ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا ۇسىنعان «قازاقستانىڭ قاسيەتتٸ رۋحاني قۇندىلىقتارى» («قازاقستاننىڭ كيەلٸ جەرلەرٸنٸڭ گەوگرافيياسى»), «تۋعان جەر» جوبالارىن قۇرۋ مەسەلەلەرٸ تالقىلانۋ ٷستٸندە. باعدارلاما اياسىندا اۋقىمدى ٶلكەتانۋ جۇمىستارىن جٷرگٸزۋدٸ, ەكولوگييانى جاقسارتۋعا جەنە ەلدٸ مەكەندەردٸ اباتتاندىرۋعا باسا مەن بەرۋدٸ, جەرگٸلٸكتٸ دەڭگەيدەگٸ تاريحي ەسكەرتكٸشتەر مەن مەدەني نىسانداردى قالپىنا كەلتٸرۋدٸ قولعا الۋ كٶزدەلگەن. سونداي-اق, ەلباسى «تۋعان جەر» جوباسىمەن بٸرگە جالپىۇلتتىق قاسيەتتٸ ورىندار ۇعىمىن سٸڭٸرۋ قاجەتتٸلٸگٸن اتاپ ٶتتتٸ. وسىلايشا, پرەزيدەنت «قازاقستانىڭ قاسيەتتٸ رۋحاني قۇندىلىقتارى» نەمەسە «قازاقستاننىڭ كيەلٸ جەرلەرٸنٸڭ گەوگرافيياسى» جوباسىن ۇسىندى. «پاتريوتيزم كٸندٸك قانىڭ تامعان جەرٸڭە, ٶسكەن اۋىلىڭا, قالاڭ مەن ٶڭٸرٸڭە, ياعني تۋعان جەرٸڭە دەگەن سٷيٸسپەنشٸلٸكتەن باستالادى. سول سەبەپتٸ, مەن «تۋعان جەر» باعدارلاماسىن قولعا الۋدى ۇسىنامىن» - دەپ اتاپ ٶتكەن بولاتىن ەلباسى نۇرسۇلتان نازارباەۆ.
«ساكرالدى قازاقستان» عىلىمي-زەرتتەۋ ورتالىعىنىڭ باسشىسى بولىپ بەرٸك باقىتۇلى ەبدٸعاليەۆ تاعايىندالدى.
بەرٸك باقىتۇلى ەبدٸعاليەۆ ەل-فارابي اتىنداعى قازاق ۇلتتىق ۋنيۆەرسيتەتٸن تەمامداعان. قازاقستان ستراتەگييالىق زەرتتەۋلەر ينستيتۋتىندا عىلىمي قىزمەتكەر, ٸشكٸ ساياسات بٶلٸمٸنٸڭ مەڭگەرۋشٸسٸ, ديرەكتوردىڭ ورىنباسارى بولىپ قىزمەت اتقارعان. تەمٸرتاۋ قالاسى ەكٸمٸنٸڭ ورىنباسارى, جەزقازعان قالاسىنىڭ ەكٸمٸ, 2012-2013 جىلدارى قوستاناي وبلىسى ارقالىق قالاسىنىڭ ەكٸمٸ قىزمەتتەرٸن اتقاردى.
