فوتو: ازامات قۇسايىنوۆ
ەل-فارابي اتىنداعى قازۇۋ كٸتاپحاناسىندا كٶرنەكتٸ مەملەكەت جەنە قوعام قايراتكەرٸ, قر مەملەكەتتٸك سىيلىعىنىڭ لاۋرەاتى, پروفەسسور شەريازدان ەلەۋكەنوۆتٸڭ تۋعانىنا 95 جىل تولۋىنا وراي «ۇلتتىق كٸتاپتانۋ مەسەلەلەرٸ: تاريحى جەنە بٷگٸنگٸ جاعدايى» اتتى حالىقارالىق عىلىمي-تەجٸريبەلٸك كونفەرەنتسييا ٶتتٸ.
جيىندى جۋرناليستيكا فاكۋلتەتٸنٸڭ دەكانى, فيلولوگييا عىلىمىنىڭ كانديداتى قانات ەۋەسباي جٷرگٸزدٸ.
ەل-فارابي اتىنداعى قازۇۋ-دٸڭ باسقارما مٷشەسٸ – اكادەمييالىق مەسەلەلەر جٶنٸندەگٸ پرورەكتورى اباي قازماعامبەتوۆ كٸرٸسپە سٶزٸندە ش.ەلەۋكەنوۆ تۋرالى: «ول تاباندى ەڭبەگٸ مەن ٸزدەنٸستەرٸنٸڭ نەتيجەسٸندە فيلولوگييا عىلىمدارىنىڭ دوكتورى, پروفەسسور, قازاقستاننىڭ ەڭبەك سٸڭٸرگەن مەدەنيەت قايراتكەرٸ, قازاقستان رەسپۋبليكاسى مەملەكەتتٸك سىيلىعىنىڭ لاۋرەاتى اتاندى. ادالدىق, ادامگەرشٸلٸك, ەڭبەكقورلىق قاعيدالارىن باستى ورىنعا قويعان عالىم شەرييازدان ەلەۋكەنۇلى قانداي قىزمەت اتقارسا دا ۇلتتىق ۇستانىمىنان تانعان ەمەس», – دەدٸ.
«قازاق ەدەبيەتٸ» گازەتٸنٸڭ باس رەداكتورى باۋىرجان جاقىپ ش.ەلەۋكەنوۆتٸڭ ۇستازدىق جولى مەن عىلىمداعى ٶنەگەسٸن نەگٸزگٸ بايانداماسىنا ارقاۋ ەتتٸ. پروفەسسورلار جانعارا دەدەباەۆ, نامازەلٸ وماشۇلى, قانسەيٸت ەبدەزۇلى, قوڭىر مۇقاتايقىزى, تەمٸرعالي كٶپباەۆ, ساعاتبەك مەدەۋبەكۇلى كٸتاپتانۋ مەسەلەلەرٸمەن قوسا قايراتكەردٸڭ ەدەبيەتتانۋ, باسپا ٸسٸ سالاسىنداعى ەڭبەگٸن تالدادى. پروفەسسور تەمٸرعالي كٶپباەۆ شەرييازدان رٷستەمۇلىنىڭ كٶپتومدىعىن شىعارۋ ٸسٸ توقتاپ قالعانىن ايتىپ, وسى جاعدايدىڭ شەشٸلۋٸ كەرەك ەكەنٸن ايتىپ ٶتتٸ. عالىمدار نۇرداۋلەت اقىش, سەرٸكقازى قوراباي, گٷلجاھان وردا, ەلەنا دۋدينوۆا شەرييازدان رٷستەمۇلىنىڭ قالامىنان شىققان تۋىندىلاردى باياندامالارىنا ارقاۋ ەتتٸ. ش.ەلەۋكەنوۆتٸڭ ۇلى, فيزيكا-ماتەماتيكا عىلىمىنىڭ دوكتورى داستان ەلەۋكەنوۆ حالىقارالىق كونفەرەنتسييانى ۇيىمداستىرعان ۋنيۆەرسيتەت پەن فاكۋلتەتكە, باسپاگەرلٸك-رەداكتورلىق جەنە ديزاينەرلٸك ٶنەر كافەدراسىنىڭ ۇجىمىنا العىس ايتىپ, ەكە اماناتى مەن ۇستانىمى قانداي بولعانىن ايتىپ بەردٸ.
قىرعىزستاننىڭ ج.بالاساگىن اتىنداعى قۇۋ-نٸڭ جۋرناليستيكا جەنە كوممۋنيكاتسييا ينستيتۋتىنىڭ ديرەكتورى, ەلەۋمەتتٸك عىلىم كانديداتى, دوتسەنت شيرين كوستيۋك جەنە تٷركييانىڭ ساكارييا ۋنيۆەرسيتەتٸنٸڭ پروفەسسورى مۋحاممەد بيلال چەليك تٷركٸ ەلٸنە ورتاق تۇلعا ش.ەلەۋكەنوۆتىڭ قايراتكەرلٸك قىرى مەن باسپا ٸسٸندەگٸ ەڭبەگٸنە توقتالدى.
جيىندى قورىتىندىلاعان جۋرناليستيكا فاكۋلتەتٸنٸڭ دەكانى قانات ەۋەسباي: «شەرييازدان رٷستەمۇلىنىڭ ۇستازدىق جولىمەن, عىلىمداعى, ەدەبيەتتانۋداعى, كٸتاپتانۋداعى, كٶركەم سٶزدەرٸ قىرلارىمەن تانىستىق. ەلەۋكەنوۆتانۋ دەگەن عىلىمنىڭ جەكە بٸر سالاسى قالىپتاسىپ كەلە جاتىر دەپ ەسەپتەيمٸن. بۇل ەلٸ دە تولىعا تٷسەتٸن جەكە بٸر سالا بولماق», – دەدٸ.
حالىقارالىق كونفەرەنتسييا ماتەريالدارى ارنايى جيناق بولىپ جارىق كٶرٸپ, ٸس-شارا بارىسىندا كٶپشٸلٸككە تانىستىرىلدى. ٸس-شارا اياسىندا ەل-فارابي كٸتاپحاناسىنىڭ فويەسٸندە ش.ەلەۋكەنوۆ شىعارماشىلىعى مەن ٶمٸرٸنە ارنالعان كٸتاپ كٶرمەسٸ جەنە فوتوكٶرمە ۇيىمداستىرىلدى.
قاراگٶز سەرٸكقىزى,
باسپاگەرلٸك-رەداكتورلىق جەنە ديزاينەرلٸك ٶنەر كافەدراسىنىڭ وقىتۋشىسى
