فوتو: Pexels.com
قازاقستاننىڭ ەڭبەك نارىعىن دامىتۋ جەنە كادرلىق ەلەۋەتٸن نىعايتۋ تاقىرىبىنداعى ٷكٸمەت ساعاتىندا ەلەۋمەتتٸك-مەدەني دامۋ كوميتەتٸنٸڭ تٶراعاسى اسحات ايماعامبەتوۆ ەڭبەك نارىعى تۋرالى سٶز قوزعاعاندا ميگرانتتاردىڭ فاكتورى ەسكەرٸلمەيتٸنٸن ايتتى. بۇل تۋرالى Ult.kz حابارلايدى.
مەجٸلٸس دەپۋتاتىنىڭ ايتۋىنشا, رەلوكانتتاردى ايتپاعاننىڭ ٶزٸندە, ميگرانتتاردىڭ ەڭبەك نارىعىنداعى ٷلەسٸ تۋرالى ناقتى مەلٸمەتتەر جوق.
"بۇعان قوسا بٸز باسقا ەلدەرگە جۇمىسقا شىعاتىن ازاماتتارىمىزدىڭ قۇقىقتارىمەن جەتكٸلٸكتٸ دەنگەيدە اينالىسپايمىز. الىسقا بارماي-اق, ەۋرازييالىق ەكونوميكالىق وداققا كٸرەتٸن ەلدەردٸ الايىق. ەرتٷرلٸ مەلٸمەتتەر بويىنشا - وسى وداقتا شامامەن 200 مىڭ قازاقستاندىق جۇمىس ٸستەيدٸ, بۇل ٸس جٷزٸندە بٷتٸن بٸر سالامەن تەڭ.
كٶپتەگەن وتانداسىمىز وڭتٷستٸك كورەيادا ەڭبەك ەتۋدە. ول ازداي سوڭعى كەزدەرٸ انگلييادا «قۇلپىناي تەرٸپ جٷرگەن» ازاماتتار كٶبەيٸپ كەتكەن. ولاردىڭ سانى قانشا, جەنە نەگە بۇل فاكتورلار بٸزدٸڭ جۇمىسپەن قامتۋ ستاتيستيكاسىندا جەنە ساياساتىندا ەسكەرٸلمەيدٸ, بٸز بٸلمەيمٸز. بٸزدٸڭ ەلدٸڭ ازاماتتارى جۇمىس ٸستەيتٸن بارلىق مەملەكەتپەن, تٸپتٸ ول مەملەكەتتە 1 عانا وتانداسىمىز جۇمىس ٸستەيتٸن بولسا دا, ولاردىڭ قۇقىقتارىن قورعاۋ بويىنشا كەلٸسٸمدەر جاساۋ قاجەت. بۇل باعىت بويىنشا دا ناقتى ساياسات پەن شارالار ەلٸ جەتكٸلٸكسٸز", - دەپ اتاپ ٶتتٸ ا.ايماعامبەتوۆ.
ول جىلدام تەحنولوگييالىق پروگرەسس ەڭبەك سالاسىندا جاڭا سىن-قاتەرلەر ەكەلگەنٸن ەسكە سالدى.
"جاڭا ماماندىقتار پايدا بولىپ, كەيبٸر "زەينەتكەر ماماندىقتار" جاي عانا "جويىلۋدا". بولجامدارعا سەيكەس, قازاقستانداعى جۇمىس ورىندارىنىڭ 52% اۆتوماتتاندىرۋدىڭ تەۋەكەلٸنە ۇشىرايدى. الداعى 15-20 جىلدا جۇمىس ورىندارىنىڭ 14% جويىلۋى مٷمكٸن, ال تاعى 32% قاتتى ٶزگەرەدٸ.
اۆتوماتتاندىرۋ جەنە جاساندى ينتەللەكتتٸڭ دامۋى ەڭبەك نارىعىندا ايتارلىقتاي ٶزگەرٸستەرگە ەكەلەدٸ. بٸر جاعىنان, وسىعان بايلانىستى ٷلكەن جۇمىسسىزدىق پايدا بولسا, ال ەكٸنشٸ جاعىنان, كادر تاپشىلىعا بولادى دەيدٸ ەكسپەرتتەر. ياعني جاڭا جۇمىس ورىندارىندا جاساندى ينتەللەكت جٷيەلەرٸمەن جۇمىس ٸستەي الاتىن كادرلاردىڭ جەتٸسپەۋشٸلٸگٸ وسىنداي كادر تاپشىلىعىنا الىپ كەلەدٸ. وسىعان وراي جۇمىس كٷشٸنٸڭ يكەمدٸلٸگٸن قامتاماسىز ەتٸپ, جاساندى ينتەللەكت جٷيەلەرٸمەن جۇمىس ٸستەۋ بويىنشا قاجەتتٸ قۇزىرەتتەردٸ بەرۋ ماڭىزدى بولىپ وتىر. الايدا, وسى مەسەلەلەر بويىنشا ەرەكەت ەتۋ ستراتەگيياسى ەلٸ دە ايقىن ەمەس", - دەيدٸ دەپۋتات.
ايتا كەتەيٸك, بۇعان دەيٸن اسحات ايماعامبەتوۆ جۇمىسپەن قامتۋ باعدارلامالارىن سىناعان بولاتىن.
