الماتى قالاسىنىڭ ەكٸمٸ دارحان ساتىبالدى ناۋرىزباي اۋدانىن جۇمىس ساپارى بارىسىندا ارالاپ, «الماتى تازالىق» مكك-نٸڭ جاڭارتىلعان ٶندٸرٸستٸك بازاسىنا باردى. شاھار باسشىسى ارنايى تەحنيكالاردى قاراپ, قىزمەتكەرلەردٸڭ ەڭبەك جاعدايىمەن تانىسىپ, كەسٸپورىن ۇجىمىمەن كەزدەستٸ.
اۋماعى 2 گەكتار بولاتىن ٶندٸرٸستٸك بازا بايسۇلتانوۆ كٶشەسٸندە ورنالاسقان. مۇندا 352 ادام ەڭبەك ەتەدٸ جەنە 66 ارنايى تەحنيكا, ونىڭ ٸشٸندە جولعا قىزمەت كٶرسەتەتٸن 14 ەمبەباپ ماشينا بار.
كەسٸپورىن اۋماعىندا 12,5 مىڭ شارشى مەتر اسفالتبەتون جابىنى تٶسەلٸپ, كٶكتايعاققا قارسى ماتەريالداردى ساقتاۋعا ارنالعان الاڭ جابدىقتالدى. سونداي-اق كٶگالداندىرۋ جۇمىستارى جٷرگٸزٸلٸپ, بازانىڭ ينفراقۇرىلىمى جاڭارتىلدى.
فوتو: الماتى قالاسى ەكٸمدٸگٸنٸڭ باسپاسٶز قىزمەتٸ
قىزمەتكەرلەرمەن كەزدەسۋدە دارحان ساتىبالدى كوممۋنالدىق قىزمەتتەردٸڭ ساپالى جۇمىسى جۇمىسشىلاردىڭ ەڭبەك جاعدايىنا تٸكەلەي بايلانىستى ەكەنٸن اتاپ ٶتتٸ.
«قىزمەتكەرلەرگە لايىقتى ەڭبەك جاعدايىن جاساۋىمىز كەرەك. قاجەتتٸ جاعداي جاسالماسا, جۇمىستى ساپالى ورىنداۋدى قالاي تالاپ ەتەمٸز? ەڭ الدىمەن, قالامىزدىڭ تازالىعىن كٷن سايىن قامتاماسىز ەتٸپ جٷرگەن ادامداردىڭ ەڭبەگٸن قۇرمەتتەۋٸمٸز قاجەت», – دەدٸ قالا ەكٸمٸ.
كەزدەسۋ بارىسىندا قالا كٶشەلەرٸن كٷتٸپ ۇستاۋ, تازالىق جۇمىستارىن ۇيىمداستىرۋ جەنە كوممۋنالدىق قىزمەت كٶرسەتۋ ساپاسىنا ەرەكشە نازار اۋدارىلدى.
«تازالىق بٸرٸنشٸ ورىندا تۇرۋى كەرەك. تازالىق, تەرتٸپ پەن كٶركەيتۋ قالانىڭ جالپى كەلبەتٸن قالىپتاستىرادى. باسقا ەلگە نەمەسە قالاعا بارعاندا, ەڭ الدىمەن, ونىڭ قانشالىقتى تازا ەكەنٸنە نازار اۋدارامىز. بۇل قورشاعان ورتانى قالاي قابىلدايتىنىمىزعا جەنە وعان دەگەن كٶزقاراسىمىزعا ەسەر ەتەدٸ. تازالىق جوق جەردە تەرتٸپ تە بولمايدى. سوندىقتان بۇل جۇمىس تۇراقتى ەرٸ جٷيەلٸ تٷردە جٷرگٸزٸلۋٸ كەرەك», – دەدٸ دارحان ساتىبالدى.
قالا ەكٸمٸ مەملەكەت باسشىسى الماتىنى رەتكە كەلتٸرۋ مٸندەتٸن قويعانىن دا جەتكٸزدٸ. وسىعان بايلانىستى قالانى كٶركەيتۋ جەنە تازالىق ساقتاۋ جۇمىستارى جالعاسادى. ال كوممۋنالدىق قىزمەتتەر بۇل مٸندەتتەردٸڭ جٷيەلٸ ەرٸ ساپالى ورىندالۋىن قامتاماسىز ەتۋگە تيٸس.
قازٸرگٸ تاڭدا «الماتى تازالىق» كەسٸپورنىنىڭ اۆتوپاركٸندە 1 017 تەحنيكا بار. قىسقى تازالىق جۇمىستارىنا 830 تەحنيكا قاراستىرىلعان. ونىڭ ٸشٸندە جىل بويى پايدالانىلاتىن 700 ماشينا جەنە قىسقى جۇمىستارعا ارنالعان 130 ارنايى تەحنيكا بار. ال قالعان 187 تەحنيكا جاز مەزگٸلٸندە قولدانىلادى.
بيىل كەسٸپورىن قوسىمشا 200 ارنايى تەحنيكا ساتىپ الىپ جاتىر. سونىڭ نەتيجەسٸندە اۆتوپارك قۇرامىنداعى تەحنيكانىڭ جالپى سانى 1 217-گە جەتەدٸ.
فوتو: الماتى قالاسى ەكٸمدٸگٸنٸڭ باسپاسٶز قىزمەتٸ
فوتو: الماتى قالاسى ەكٸمدٸگٸنٸڭ باسپاسٶز قىزمەتٸ
