الماتىدا كٶلٸك قوياتىن ورىنعا بايلانىستى شىققان جانجال ادام ٶلٸمٸمەن اياقتالدى. وقيعا 4 قازاندا بولعان, دەپ حابارلايدى ult.kz.
مارقۇمنىڭ تۋىستارىنىڭ ايتۋىنشا, دانيل سول كٷنٸ ۇلى جەنە دوستارىمەن قالا سىرتىنا دەمالۋعا كەتكەن. ٷيٸنە ورالعان سوڭ, كٶلٸك قوياتىن ورىندا ٶزگە اۆتوكٶلٸكتٸڭ تۇرعانىن كٶرٸپ, كٶرشٸسٸنەن ونى الىپ تاستاۋدى سۇراعان.
وسىدان كەيٸن ەكەۋٸنٸڭ اراسىندا سٶزگە كەلٸسپەۋشٸلٸك تۋىپ, سوڭى تٶبەلەسكە ۇلاسقان. جاقىندارىنىڭ سٶزٸنشە, كٶرشٸسٸ اعاسىن كٶمەككە شاقىرعان. كەلگەن ەر ادام دانيلدىڭ موينىنا پىشاق سۇققان.
تۋىستارى مارقۇمنىڭ بۇل كٶرشٸسٸمەن بۇرىن ارالاسپاعانىن, ەكەۋٸنٸڭ اراسىندا بۇعان دەيٸن جانجال بولماعانىن ايتادى. ولاردىڭ مەلٸمەتٸنشە, كٷدٸكتٸنٸڭ وتباسى كٶرشٸ ٷيدەن پەتەر جالداپ تۇرعان. وقيعادان كەيٸن وتباسى اسىعىس كٶشٸپ كەتكەن.
پوليتسييا دەرەگٸنشە, قىلمىستىق ٸس قوزعالىپ, 37 جاستاعى كٷدٸكتٸ ۋاقىتشا ۇستاۋ يزولياتورىنا قامالعان.
