Almatyda kólik qoiatyn orynǵa bailanysty shyqqan janjal adam ólimimen aiaqtaldy. Oqiǵa 4 qazanda bolǵan, dep habarlaidy ult.kz.
Marqumnyń týystarynyń aitýynsha, Danil sol kúni uly jáne dostarymen qala syrtyna demalýǵa ketken. Úiine oralǵan soń, kólik qoiatyn orynda ózge avtokóliktiń turǵanyn kórip, kórshisinen ony alyp tastaýdy suraǵan.
Osydan keiin ekeýiniń arasynda sózge kelispeýshilik týyp, sońy tóbeleske ulasqan. Jaqyndarynyń sózinshe, kórshisi aǵasyn kómekke shaqyrǵan. Kelgen er adam Danildyń moinyna pyshaq suqqan.
Týystary marqumnyń bul kórshisimen buryn aralaspaǵanyn, ekeýiniń arasynda buǵan deiin janjal bolmaǵanyn aitady. Olardyń málimetinshe, kúdiktiniń otbasy kórshi úiden páter jaldap turǵan. Oqiǵadan keiin otbasy asyǵys kóship ketken.
Politsiia dereginshe, qylmystyq is qozǵalyp, 37 jastaǵy kúdikti ýaqytsha ustaý izoliatoryna qamalǵan.
