قازاقستاندىق اكتەر نۇركەن يمانقۇلوۆ جۇبايى مەرەكەمەن بٸرگە ٷيلەنۋ تويىن ٶتكٸزٸپ جاتقانىن حابارلادى. ٶنەر يەسٸ Instagram پاراقشاسىندا ۆيدەو جارييالاپ, قۋانىشىن بٶلٸستٸ, دەپ حابارلايدى ult.kz.

اكتەردٸڭ سٶزٸنشە, ولار بۇعان دەيٸن شاڭىراق كٶتەرگەنٸمەن, ٷيلەنۋ تويىن جاساماعان. ەندٸ كٶپتەن جوسپارلاعان قۋانىشىنا اعايىن-تۋىسىن جيناپ جاتىر.

“قۇتتىقتاپ قويساڭىزدار بولادى. بٷگٸن بٸزدە ٷيلەنۋ توي. الدىن بٸلەسٸزدەر, جاسالىنباي, بٷگٸن ەندٸ تويدى ٶتكٸزگەلٸ جاتىرمىز. قۋانىشتان تولقىپ تۇرمىز”, – دەدٸ ول.

نۇركەن يمانقۇلوۆ مەرەكە ەسٸمدٸ ارۋمەن وتباسىن قۇرعانىن 2025 جىلدىڭ ماۋسىمىندا جارييالاعان ەدٸ. سول كەزدە بٸرقاتار اقپارات قۇرالى جۇبايىنىڭ اكتەردەن 21 جاس كٸشٸ ەكەنٸن جازدى.

ال 2026 جىلدىڭ سەۋٸرٸندە ەرلٸ-زايىپتى ۇلدى بولعاندارىن حابارلادى. ولار سەبيگە ەبدەز الان نۇركەنۇلى دەگەن ەسٸم بەرگەن.

ايتا كەتەيٸك, گٷلزيرا ايداربەكوۆا جٷرەك تەبٸرەنتەر جازبا جارييالادى.

نۇركەن يمانقۇلوۆ كٸم?

نۇركەن يمانقۇلوۆ – قازاقستاندىق اكتەر ەرٸ ەزٸلكەش. تولىق اتى-جٶنٸ – نۇركەن ەبدەزۇلى يمانقۇلوۆ. 1989 جىلى 30 تامىزدا شىمكەنت قالاسىندا دٷنيەگە كەلگەن. “برودۆەي” كينوپورتالىنىڭ مەلٸمەتٸنشە, “ۆا-بانك”, “25 تەڭگە”, “ٷش قۇربى”, “كەلٸنجان”, “مويا بولشايا كازاحسكايا سەميا” جوبالارىنا تٷسكەن. سونداي-اق “كراساۆيتسا ي نۇرداۋلەت” ۆەب-سەريالى مەن “نام نۋجەن دوكتور” فيلمٸندە ويناعان.