Qazaqstandyq akter Nurken Imanqulov jubaiy Merekemen birge úilený toiyn ótkizip jatqanyn habarlady. Óner iesi Instagram paraqshasynda video jariialap, qýanyshyn bólisti, dep habarlaidy ult.kz.

Akterdiń sózinshe, olar buǵan deiin shańyraq kótergenimen, úilený toiyn jasamaǵan. Endi kópten josparlaǵan qýanyshyna aǵaiyn-týysyn jinap jatyr.

“Quttyqtap qoisańyzdar bolady. Búgin bizde úilený toi. Aldyn bilesizder, jasalynbai, búgin endi toidy ótkizgeli jatyrmyz. Qýanyshtan tolqyp turmyz”, – dedi ol.

Nurken Imanqulov Mereke esimdi arýmen otbasyn qurǵanyn 2025 jyldyń maýsymynda jariialaǵan edi. Sol kezde birqatar aqparat quraly jubaiynyń akterden 21 jas kishi ekenin jazdy.

Al 2026 jyldyń sáýirinde erli-zaiypty uldy bolǵandaryn habarlady. Olar sábige Ábdez Alan Nurkenuly degen esim bergen.

Aita keteiik, Gúlzira Aidarbekova júrek tebirenter jazba jariialady.

Nurken Imanqulov kim?

Nurken Imanqulov – qazaqstandyq akter ári ázilkesh. Tolyq aty-jóni – Nurken Ábdezuly Imanqulov. 1989 jyly 30 tamyzda Shymkent qalasynda dúniege kelgen. “Brodvei” kinoportalynyń málimetinshe, “Va-bank”, “25 teńge”, “Úsh qurby”, “Kelinjan”, “Moia bolshaia kazahskaia semia” jobalaryna túsken. Sondai-aq “Krasavitsa i Nurdaýlet” veb-serialy men “Nam nýjen doktor” filminde oinaǵan.