فوتو: مام
2025 جىلدىڭ 13 سەۋٸرٸندە قۇرمانعازى اتىنداعى قازاق ۇلتتىق حالىق اسپاپتار وركەسترٸ حالىق قاھارمانى, كٷيشٸ ەرٸ كومپوزيتور نۇرعيسا تٸلەنديەۆتٸڭ 100 جىلدىعىنا ارنالعان كٶشپەلٸ كونتسەرت ۇيىمداستىردى, دەپ حابارلايدى Ult.kz.
ٸس-شاراعا وركەستردٸڭ تولىق قۇرامىمەن قاتار, تاحاۋي راحمەتوۆ پەن بيبٸگٷل قىلىمحان سەكٸلدٸ تانىمال ٶنەرپازدار قاتىستى. مەدەني ٸس-شارانىڭ ماقساتى – الماتى تۇرعىندارى مەن قوناقتارىنىڭ ۇلتتىق مۋزىكاعا دەگەن قىزىعۋشىلىعىن ارتتىرۋ.
فوتو: مام
قازاق مۋزىكا مەدەنيەتٸنٸڭ دامۋىنا زور ٷلەس قوسقان نۇرعيسا تٸلەنديەۆتٸڭ شىعارماشىلىعى – حالىقتىڭ رۋحاني مۇراسى, باي قازىناسى. كومپوزيتوردىڭ 100 جىلدىعىنا ارنالعان ٸس-شارا بيىل 24 قاڭتاردا ۇلتتىق وركەستر ۇيىمداستىرعان اۋقىمدى كونتسەرتپەن باستالعان بولاتىن. قازٸرگٸ ۋاقىتتا كومپوزيتوردىڭ مەرەيتويى يۋنەسكو جەنە تٷركسوي سىندى حالىقارالىق ۇيىمداردىڭ قولداۋىمەن ەلەمدٸك دەڭگەيدە اتالىپ ٶتۋدە.
ايتا كەتەيٸك, تٷركسوي – تٷركٸ مەدەنيەتٸ حالىقارالىق ۇيىمى 2025 جىلدى نۇرعيسا تٸلەنديەۆتٸ ەسكە الۋ جىلى دەپ جارييالاعان بولاتىن. جىل بويى مەرەيتويعا ارنالعان مەدەني ٸس-شارالار جالعاسىن تاباتىن بولادى.
