Foto: MAM
2025 jyldyń 13 sáýirinde Qurmanǵazy atyndaǵy Qazaq ulttyq halyq aspaptar orkestri Halyq qaharmany, kúishi ári kompozitor Nurǵisa Tilendievtiń 100 jyldyǵyna arnalǵan kóshpeli kontsert uiymdastyrdy, dep habarlaidy Ult.kz.
Is-sharaǵa orkestrdiń tolyq quramymen qatar, Tahaýi Rahmetov pen Bibigúl Qylymhan sekildi tanymal ónerpazdar qatysty. Mádeni is-sharanyń maqsaty – Almaty turǵyndary men qonaqtarynyń ulttyq mýzykaǵa degen qyzyǵýshylyǵyn arttyrý.
Foto: MAM
Qazaq mýzyka mádenietiniń damýyna zor úles qosqan Nurǵisa Tilendievtiń shyǵarmashylyǵy – halyqtyń rýhani murasy, bai qazynasy. Kompozitordyń 100 jyldyǵyna arnalǵan is-shara biyl 24 qańtarda Ulttyq orkestr uiymdastyrǵan aýqymdy kontsertpen bastalǵan bolatyn. Qazirgi ýaqytta kompozitordyń mereitoiy IýNESKO jáne TÚRKSOI syndy halyqaralyq uiymdardyń qoldaýymen álemdik deńgeide atalyp ótýde.
Aita keteiik, TÚRKSOI – Túrki mádenieti halyqaralyq uiymy 2025 jyldy Nurǵisa Tilendievti eske alý jyly dep jariialaǵan bolatyn. Jyl boiy mereitoiǵa arnalǵan mádeni is-sharalar jalǵasyn tabatyn bolady.
