الماتىدا قاڭتار ايىنىڭ كارانتين شارالارىن ساقتاۋ بويىنشا 332 رەيد جٷرگٸزٸلگەن. بۇل تۋرالى قالانىڭ باس مەملەكەتتٸك سانيتار دەرٸگەرٸ جانداربەك بەكشين ونلاين بريفينگ بارىسىندا ايتتى, دەپ حابارلايدى قازاقپارات.
جيىندا جۋرناليستەر ەپيدەميولوگييالىق احۋالدىڭ ناشارلاۋىنا بايلانىستى قالادا كارانتين كٷشەيتٸلە مە دەگەن سۇراق قويدى.
«بۇل باعىتتا قانداي شارالار قابىلداناتىندىعى پىسىقتالۋدا. جاڭا شەكتەۋ شارالارى تۋرالى كەيٸن ايتاتىن بولامىز», - دەدٸ بەكشين.
ونىڭ ايتۋىنشا, 2021 جىلدىڭ 1-26 قاڭتار ارالىعىندا 332 رەيد جٷرگٸزٸلٸپ, 2544 نىساندا 180 (7%) زاڭبۇزۋشىلىق انىقتالعان. وسى باعىتتا 107 حاتتاما تولتىرىلدى, ونىڭ ٸشٸندە 29 زاڭدى تۇلعاعا 10 399 105 تەڭگە ايىپپۇل سالىنعان. ال 78 جەكە تۇلعاعا ماسكا رەجيمٸن بۇزعانى ٷشٸن 3 412 890 تەڭگە ايىپپۇل سالىندى.
قر ەقبك 462-بابىنىڭ 3-تارماعىمەن 12 ماتەريال سوتقا بەرٸلدٸ.
