Almatyda qańtar aiynyń karantin sharalaryn saqtaý boiynsha 332 reid júrgizilgen. Bul týraly qalanyń Bas memlekettik sanitar dárigeri Jandarbek Bekshin onlain brifing barysynda aitty, dep habarlaidy QazAqparat.
Jiynda jýrnalister epidemiologiialyq ahýaldyń nasharlaýyna bailanysty qalada karantin kúsheitile me degen suraq qoidy.
«Bul baǵytta qandai sharalar qabyldanatyndyǵy pysyqtalýda. Jańa shekteý sharalary týraly keiin aitatyn bolamyz», - dedi Bekshin.
Onyń aitýynsha, 2021 jyldyń 1-26 qańtar aralyǵynda 332 reid júrgizilip, 2544 nysanda 180 (7%) zańbuzýshylyq anyqtalǵan. Osy baǵytta 107 hattama toltyryldy, onyń ishinde 29 zańdy tulǵaǵa 10 399 105 teńge aiyppul salynǵan. Al 78 jeke tulǵaǵa maska rejimin buzǵany úshin 3 412 890 teńge aiyppul salyndy.
QR ÁqbK 462-babynyń 3-tarmaǵymen 12 material sotqa berildi.
