20 قاراشا كٷنٸ نازارباەۆ ۋنيۆەرسيتەتٸندە ۇلت ۇستازى احمەت بايتۇرسىنۇلىنىڭ 5 تومدىق شىعارمالار جيناعىنىڭ تۇساۋكەسەرٸ ٶتتٸ. اكادەمييالىق جيناق “الاش” قوزعالىسىنىڭ كٶسەمٸ احمەت بايتۇرسىنۇلىنىڭ ٶمٸر بويى جازعان ەڭبەكتەرٸن بٸرٸكتٸرگەن, دەپ حابارلايدى ult.kz.
اكادەمييالىق جيناق اۆتوردىڭ كٶزٸ تٸرٸسٸندە شىعارعان شىعارمالارىنىڭ تولىق مەتٸندەرٸن جەنە كازٸرگٸ عالىمداردىڭ عىلىمي تٷسٸنٸكتەمەلەرٸن قامتيدى.
احمەت بايتۇرسىنۇلىنىڭ ەڭبەكتەرٸن زەرتتەيتٸن كٶپتەگەن كٸتاپتار جارىق كٶرگەن, دەگەنمەن عالىمنىڭ شىعارمالارىن تولىقتاي زەرتتەپ, ولارعا عىلىمي تۇرعىدان تٷسٸنٸكتەمە بەرەتٸن اكادەمييالىق جيناقتاردىڭ سانى از. بۇل تۋرالى الاشتانۋشى عالىم ايگٷل ٸسٸماقوۆا ايتتى.
"احمەت بايتۇرسىنۇلىنىڭ اكادەمييالىق تولىق شىعارمالار جيناعى تۇڭعىش رەت شىعىپ وتىر. بۇعان دەيٸن بٸز اباي قۇنانبايۇلىنىڭ اكادەمييالىق شىعارمالار جيناعىن شىعارعان ەدٸك. بٷگٸنگٸ شىعىپ وتىرعان 5 تومدىق جيناق, عالىمنىڭ كٶزٸ تٸرٸسٸندە شىعارعان ٶز شىعارمالارىنىڭ تولىق مەتٸندەرٸن جەنە بٸز وعان بەرگەن عىلىمي تٷسٸنٸكتەمەلەردٸ قامديدى", -دەيدٸ ول.
ۇلت ۇستازى احمەت بايتۇرسىنۇلىنىڭ 5 تومدىق شىعارمالار جيناعىنىڭ تۇساۋكەسەرٸنە ەلٸمٸزدٸڭ الاشتانۋشى عالىمدارى, احمەت بايتۇرسىنۇلىنىڭ ۇرپاعى ەراحان قابىلۇلى مەن دەپۋتاتتار قاتىستى.
تۇساۋكەسەر رەسٸمٸندە سٶز سٶيلەگەن قوناقتار ۇلت ۇستازىنىڭ ەلەۋلٸ ەڭبەكتەرٸن ەسكە الىپ, جازۋشىنىڭ ٶلەڭدەرٸنەن شۋماق وقىدى.
سونداي-اق, الاشتانۋشى عالىم قايرات ٶمٸربايۇلى ساق, احمەت بايتۇرسىنۇلىنىڭ 5 تومدىق جيناعىن "عالىمنىڭ قۇرمەتٸنە قويىلعان ەڭ قۇندى ەسكەركٸش" دەپ اتادى.
شىن مەنٸندە احمەت بايتۇرسىنۇلىنىڭ شىعارمالار جيناعى قازٸرگٸ تاڭداعى ەڭ قۇندى كٸتاپتاردىڭ بٸرٸ بولىپ وتىر. ٶيتكەنٸ, ۇلت ۇستازىنىڭ مەكتەپ قابىرعاسىنداعى بٷلدٸرشٸنگە دە, بٸلٸم الۋعا ۇمتىلعان تىڭداۋشىعا دا پايدالى بولاتىن ەڭبەكتەرٸ جەتەرلٸك. سول ەڭبەكتەردٸڭ اكادەمييالىق جيناق بولىپ جارىق كٶرگەنٸ ٷلكەن قۋانىش. بۇل جيناق ەل جاستارىنا پايدالى وقۋلىق قىزمەتٸن اتقارادى. بۇل تۋرالى قازاقستان پارلامەنتٸ مەجٸلٸسٸنٸڭ دەپۋتاتى جۇلدىز سٷلەيمەنوۆا دا ايتىپ ٶتتٸ.
"2016 جىلدان باستاپ ەلٸمٸز ٷش تٸلدٸلٸك ساياساتىن جٷرٸپ جاتتى. سول كەزدە ەلٸپپە مەكتەپ وقۋلىقتارىنان الىنىپ تاستالدى. 2019 جىلعا دەيٸن وقۋ ساۋاتتىلىعى دەگەن ساباق ەنگٸزٸلدٸ. 2019 جىلى مەملەكەت باسشىسى قاسىم-جومار توقاەۆ "تامىز كەڭەسٸندە" ۇستازدارمەن كەزدەسٸپ, احمەت بايتۇرسىنۇلىنىڭ ەلٸپپەسٸن مەكتەپتەرگە قايتارامىز دەپ ۋەدە ەتكەن ەدٸ. سودان كەيٸن, 2020 جىلى ەلٸپپە مەكتەپ وقۋلىقتارىنا قايتا ەنگٸزٸلدٸ. قازٸر مەكتەپ وقۋشىلارى احمەت بايتۇرسىنۇلىنىڭ ەلٸپپەسٸمەن بٸلٸم الىپ, ساۋات اشىپ جاتىر. بۇنىڭ ٶزٸن مەملەكەت باسشىسىنىڭ ۇلت ۇستازىنا دەگەن قۇرمەتٸ دەپ بٸلەمٸز. بولاشاق عالىمدار, بٸلٸم الىپ جٷرگەن جاستار احمەت بايتۇرسىنۇلىنىڭ ەدەبي, رۋحاني, تٸل بٸلٸمٸ تۋرالى جازىلعان بارلىق شىعارمالارى مەن زەرتتەۋلەرٸن تولىق وقۋلارىڭىز قاجەت", -دەدٸ جۇلدىز سٷلەيمەنوۆا.
احمەت بايتۇرسىنۇلىنىڭ شىعارمالارى تەك ەلٸمٸزدە ەمەس بٷكٸل تٷركٸ حالقىنىڭ عالىمدارى اراسىندا دا تانىمال. بۇل تۋرالى احمەت بايتۇرسىنۇلىنىڭ 5 تومدىق اكادەمييالىق جيناعىنىڭ عىلىمي جەتەكشٸسٸ ايگٷل ٸسٸماقوۆا دا ايتىپ ٶتتٸ.
"ەلەمدٸك دەڭگەيدەگٸ عالىمدار احمەت بايتۇرسىنۇلىنىڭ كٸم ەكەنٸن بٸلەدٸ. ەسٸرەسە ونى تٷركٸ حالىقتارىنىڭ ۇلى ۇستازى دەۋگە لايىق دەيدٸ عالىمدار. كٶپتەگەن عالىمدار ونىڭ ەڭبەكتەرٸنە تاڭ قالۋدا. سولاي ەكەن عىلىمي ەليتامىزدى جاستارعا تانىتاتىن كەز كەلدٸ", -دەپ وتىر ايگٷل ٸسٸماقوۆا.
بەكبولات مۇحتاروۆ
