سيرييانىڭ سولتٷستٸگٸندەگٸ اقش ەسكەريلەرٸ. سەۋٸر, 2018 جىل.
اقش ەسكەرٸ رەسەي تاراپىنان تٶنگەن قاتەرگە بايلانىستى سيرييانىڭ وڭتٷستٸگٸندە شۇعىل جاتتىعۋلار باستادى. بۇل تۋرالى امەريكالىق ەسكەري شەنەۋنٸكتٸڭ سٶزٸنە سٸلتەمە جاساپ CNN حابارلايدى. ونىڭ مەلٸمەتٸنشە, بۇل جاتتىعۋلار رەسەيدٸڭ سيريياداعى امەريكالىق ەسكەريلەر ورنالاسقان بولۋى ىقتيمال اۋداندارعا سوققى بەرەتٸنٸ تۋرالى اقش-قا بٸر اپتانىڭ ٸشٸندە ەكٸ رەت جاساعان ەسكەرتۋٸنە تٸكەلەي جاۋاپ بولىپ وتىر.
جاتتىعۋلار اقش-تىڭ سيريياداعى مٷمكٸندٸكتەرٸن مەسكەۋگە كٶرسەتۋ ماقساتىن كٶزدەيدٸ دەپ مەلٸمدەيدٸ كواليتسييانىڭ ورتالىق باسشىلىعىنىڭ باس ٶكٸلٸ كاپيتان ۋيليام ۋربان.
اقش ەسكەرٸ تەز ٸس-قيمىل جاساپ, قۇرلىقتاعى جەنە ەۋە كٷشتەرٸنٸڭ بٸرلەسٸپ سوققى بەرۋٸن, سونىمەن بٸرگە جاۋ پوزيتسيياسىن شاپشاڭ باسىپ الۋ قابٸلەتٸن ارتتىرۋعا ماشىقتانادى. وپەراتسيياعا ەۋەدەن سوققى بەرەتٸٸن تٸكۇشاقتار دا قاتىستىرىلادى. جاتتىعۋلار حومس پروۆينتسيياسىنداعى امەريكالىق بازا ورنالاسقان ەت-تانف ماڭىندا ٶتٸپ جاتىر.
كوماندير شون روبەرتسون اقش-تىڭ مەسكەۋمەن كيكٸلجٸڭ ٸزدەمەيتٸندٸگٸن, بٸراق امەريكالىق ەسكەر مەن وداقتاستارىن ەش ٸركٸلٸسسٸز قورعاۋعا بۇرىنعىسىنشا دايىن ەكەنٸن جەتكٸزگەن. تەلەارنا اتى-جٶنٸ اتالماعان امەريكالىق شەنەۋنٸككە سٸلتەمە جاساپ, اقش تارابىنىڭ رەسەيلٸكتەرگە پەنتاگوننىڭ "جاۋاپ بەرۋگە» ەزٸر ەكەنٸن ايتىپ, "ەت-تانفتان اۋلاق بولۋعا» كەڭەس بەرگەنٸ تۋرالى حابارلاعان.
حابارلارعا قاراعاندا, رەسەيدٸڭ امەريكالىق ەسكەريلەر شوعىرلانعان جەرلەرگە قاناتتى زىمىراندارمەن سوققى بەرۋٸ مٷمكٸن ەكەنٸ جايلى جۇما كٷنٸ جاساعان مەلٸمدەمەسٸ پەنتاگوننىڭ ەرەكشە الاڭداۋشىلىعىن تۋعىزعان. مەسكەۋ ول اۋماقتاردا قارۋلى يسلامشىلدار بار دەپ سانايدى.
