فوتو: اشىق دەرەككٶز
كٶنە سارايشىق شاھارى ورنالاسقان وبلىس ورتالىعى اتىراۋ قالاسىندا ۇلتتىق قۇرىلتايدىڭ ٷشٸنشٸ جيىنىنىڭ سەكتسييا وتىرىستارى ٶتتٸ. عىلىم جەنە بٸلٸم سەكتسيياسى وتىرىسىندا قر پرەزيدەنتٸ جانىنداعى قر ۇعا باسقارما پرەزيدەنتٸ اقىلبەك قاجىعۇلۇلى كٷرٸشباەۆ بايانداما جاسادى.
اكادەمييا باسشىسى عىلىم مەن بٸلٸم سالاسىنا كٶزقاراستى تٷبەگەيلٸ ٶزگەرتۋ قاجەتتٸگٸنە توقتالدى.
“ٶكٸنٸشكە قاراي, تەۋەلسٸزدٸك جىلدارىندا بٸز وتاندىق عىلىمدى ۇيىمداستىرۋدىڭ زاماناۋي جٷيەسٸن قۇرا المادىق.
وسى ۋاقىتقا دەيٸن مەملەكەتتٸك ورگانداردىڭ جۇمىسىنىڭ نەگٸزگٸ قاعيداتى – جىلدام جەڭٸستەرگە جەنە جوعارى جاققا تابىستى ەسەپ بەرۋ ٷشٸن تەز نەتيجەلەرگە قول جەتكٸزۋ بولدى” دەدٸ ا. كٷرٸشباەۆ.
“قوعامدا قازٸرگٸ زاماننىڭ سەتباەۆتارى, ەسەنوۆتارى, مارعۇلاندارى قايدا?” دەگەن ساۋال تۋىنداۋدا. ەگەر جىلدار بويى ٶز عالىمدارىمىزدى مويىنداماساق, ەگەر عىلىمي زەرتتەۋلەردٸ قارجىلاندىرۋ دامىعان ەلدەرگە قاراعاندا 10-20, تٸپتٸ 30 ەسە از بولسا, ولار قايدان پايدا بولماق?!” - دەدٸ اقىلبەك قاجىعۇلۇلى.
سوڭعى ۋاقىتتا عانا عالىمدارعا تيٸستٸ نازار اۋدارىلا باستادى. مەملەكەت باسشىسى قاسىم-جومارت كەمەلۇلى توقاەۆتىڭ بەلسەندٸ ۇستانىمىنىڭ ارقاسىندا ەلٸمٸزدە عىلىم مەن بٸلٸم بەرۋدٸ دامىتۋعا بۇرىن-سوڭدى بولماعان قولداۋ كٶرسەتٸلۋدە.
ەندٸ بٸز عىلىمدى دامىتۋ ستراتەگيياسىن دۇرىس قۇرۋىمىز كەرەك.
بٸرٸنشٸدەن, عىلىمي زەرتتەۋلەردٸڭ باسىم باعىتتارىن دۇرىس انىقتاۋ قاجەت.
ەكٸنشٸدەن, ٸرگەلٸ عىلىمي زەرتتەۋلەردٸ قارجىلاندىرۋ فورماتىن تٷبەگەيلٸ ٶزگەرتۋ قاجەت.
ٷشٸنشٸدەن, ٶڭٸرلٸك عىلىمدى دامىتۋ ٶتە ماڭىزدى.
اكادەمييا باسشىسى وبلىستاردا ەكٸم ورىنباسارىنىڭ باسشىلىعىمەن عىلىم جەنە تەحنولوگييالىق دامۋ جٶنٸندەگٸ كەڭەس قۇرۋدى ۇسىندى. ەكٸمدەر رەيتينگٸن جاساعان كەزدە ونىڭ ٶڭٸردە عىلىمدى دامىتۋ جٶنٸندەگٸ جۇمىستارىنىڭ كٶرسەتكٸشٸ دە قامتىلۋعا تيٸس. بۇل جوبانى ٶزارا ٸس-قيمىلعا دايىن ەكٸمدەرمەن, 2-3 وبلىس مىسالىندا پيلوتتىق رەجيمدە باستاۋعا ەبدەن بولادى.
