Foto: Ashyq derekkóz
Kóne Saraishyq shahary ornalasqan oblys ortalyǵy Atyraý qalasynda Ulttyq Quryltaidyń úshinshi jiynynyń sektsiia otyrystary ótti. Ǵylym jáne bilim sektsiiasy otyrysynda QR Prezidenti janyndaǵy QR UǴA Basqarma Prezidenti Aqylbek Qajyǵululy Kúrishbaev baiandama jasady.
Akademiia basshysy ǵylym men bilim salasyna kózqarasty túbegeili ózgertý qajettigine toqtaldy.
“Ókinishke qarai, táýelsizdik jyldarynda biz otandyq ǵylymdy uiymdastyrýdyń zamanaýi júiesin qura almadyq.
Osy ýaqytqa deiin memlekettik organdardyń jumysynyń negizgi qaǵidaty – jyldam jeńisterge jáne joǵary jaqqa tabysty esep berý úshin tez nátijelerge qol jetkizý boldy” dedi A. Kúrishbaev.
“Qoǵamda qazirgi zamannyń Sátbaevtary, Esenovtary, Marǵulandary qaida?” degen saýal týyndaýda. Eger jyldar boiy óz ǵalymdarymyzdy moiyndamasaq, eger ǵylymi zertteýlerdi qarjylandyrý damyǵan elderge qaraǵanda 10-20, tipti 30 ese az bolsa, olar qaidan paida bolmaq?!” - dedi Aqylbek Qajyǵululy.
Sońǵy ýaqytta ǵana ǵalymdarǵa tiisti nazar aýdaryla bastady. Memleket basshysy Qasym-Jomart Kemeluly Toqaevtyń belsendi ustanymynyń arqasynda elimizde ǵylym men bilim berýdi damytýǵa buryn-sońdy bolmaǵan qoldaý kórsetilýde.
Endi biz ǵylymdy damytý strategiiasyn durys qurýymyz kerek.
Birinshiden, ǵylymi zertteýlerdiń basym baǵyttaryn durys anyqtaý qajet.
Ekinshiden, irgeli ǵylymi zertteýlerdi qarjylandyrý formatyn túbegeili ózgertý qajet.
Úshinshiden, óńirlik ǵylymdy damytý óte mańyzdy.
Akademiia basshysy oblystarda ákim orynbasarynyń basshylyǵymen Ǵylym jáne tehnologiialyq damý jónindegi Keńes qurýdy usyndy. Ákimder reitingin jasaǵan kezde onyń óńirde ǵylymdy damytý jónindegi jumystarynyń kórsetkishi de qamtylýǵa tiis. Bul jobany ózara is-qimylǵa daiyn ákimdermen, 2-3 oblys mysalynda pilottyq rejimde bastaýǵa ábden bolady.
