سۋرەت اشىق دەرەككٶزدەن الىندى
4 پايىزبەن اۆتوكرەديت العان ادامداردىڭ اتى-جٶنٸ جارييالانۋى مٷمكٸن. بۇل تۋرالى ٷكٸمەت وتىرىسىنان كەيٸن يندۋسترييا جەنە ينفراقۇرىلىمدىق دامۋ مينيسترٸ مارات قاراباەۆ ايتتى, دەپ حابارلايدى قازاقپارات.
«اۆتوكرەديت بويىنشا ەكٸ مەسەلە بار. بٸرٸنشٸدەن, بٸز ايتتىق, ەر ايدا قايتارىلعان اقشا ەسەبٸنەن قوسىمشا تاعى اۆتونەسيە بەرەمٸز. بٸراق ايىنا شامامەن بٸر ميلليارد تەڭگە قايتارىلىپ وتىر. بۇل 100 ماشيناعا جەتەدٸ.
ال ەندٸ وسى ۋاقىتقا دەيٸن رەۆولۆەرلٸك جٷيە بويىنشا 4 ميلليارد تەڭگەدەي اقشا قايتارىلدى. ول ەڭ كٶپ دەگەندە شامامەن 400 ماشيناعا جەتەدٸ. بٸزدٸڭ ويىمىز, رەۆولۆەرلٸك جٷيەدەن 500-دەن استام كٶلٸككە جەتەتٸن, ياعني 5 ملرد تەڭگەدەي اقشا قايتارىلعاندا عانا تاعى جارييالايمىز دەپ وتىرمىز», - دەدٸ مارات قاراباەۆ.
سونداي-اق ول اۆتونەسيە جٷيەسٸن قايتا قاراۋ جوسپارلانىپ وتىرعانىن ايتتى.
«بٸرنەشە مەسەلە بار. بٸرٸنشٸسٸ - اۆتوكرەديت العان ادامداردىڭ اتى-جٶنٸن جارييالاۋ. باعدارلاماعا ٶزگەرٸس ەنگٸزٸلٸپ جاتىر.
ەكٸنشٸسٸ, وسى ۋاقىتقا دەيٸن كٶلٸككە باستاپقى جارنا تٶلەۋ قاجەت ەمەس ەدٸ. ونى قايتارامىز با دەپ وتىرمىز. ياعني 10 پايىزعا دەيٸن باستاپقى اقشا تٶلەۋ مەحانيزمٸن ەنگٸزۋ قاراستىرىلۋدا», - دەدٸ ۆەدومستۆو باسشىسى.
