sýret ashyq derekkózden alyndy
4 paiyzben avtokredit alǵan adamdardyń aty-jóni jariialanýy múmkin. Bul týraly Úkimet otyrysynan keiin Indýstriia jáne infraqurylymdyq damý ministri Marat Qarabaev aitty, dep habarlaidy QazAqparat.
«Avtokredit boiynsha eki másele bar. Birinshiden, biz aittyq, ár aida qaitarylǵan aqsha esebinen qosymsha taǵy avtonesie beremiz. Biraq aiyna shamamen bir milliard teńge qaitarylyp otyr. Bul 100 mashinaǵa jetedi.
Al endi osy ýaqytqa deiin revolverlik júie boiynsha 4 milliard teńgedei aqsha qaitaryldy. Ol eń kóp degende shamamen 400 mashinaǵa jetedi. Bizdiń oiymyz, revolverlik júieden 500-den astam kólikke jetetin, iaǵni 5 mlrd teńgedei aqsha qaitarylǵanda ǵana taǵy jariialaimyz dep otyrmyz», - dedi Marat Qarabaev.
Sondai-aq ol avtonesie júiesin qaita qaraý josparlanyp otyrǵanyn aitty.
«Birneshe másele bar. Birinshisi - avtokredit alǵan adamdardyń aty-jónin jariialaý. Baǵdarlamaǵa ózgeris engizilip jatyr.
Ekinshisi, osy ýaqytqa deiin kólikke bastapqy jarna tóleý qajet emes edi. Ony qaitaramyz ba dep otyrmyz. Iaǵni 10 paiyzǵa deiin bastapqy aqsha tóleý mehanizmin engizý qarastyrylýda», - dedi vedomstvo basshysy.
