100 جىلقىنى جىمقىردى دەپ 7 جىلعا سوتتالعان راحات سەرسەنوۆ اقتالىپ شىقتى. وعان حالىق جىلقى اتاپ, قارجىلاي كٶمەكتەسٸپ جاتىر, دەپ حابارلايدى ult.kz.
اقتٶبە وبلىستىق سوتى 60 جاستاعى جىلقىشى راحات سەرسەنوۆكە قاتىستى شىعارىلعان ٷكٸمدٸ قايتا قاراپ, ونى سوت زالىنان بوساتتى. راحات سەرسەنوۆ 1994 جىلدان بەرٸ بٸر قوجالىقتىڭ جىلقىسىن باعىپ كەلگەن. جىلدار بويى مال سوڭىندا جٷرٸپ, اۋىر ەڭبەك ەتكەن ول ينسۋلت الىپ, اۋرۋحاناعا تٷسكەن كەزدە ٷستٸنەن ارىز تٷسٸپ, قاماۋعا الىنعان.
كەشە عانا جىلقىشى كەسٸپكەردٸڭ ارقاسىندا باسپانالى بولدى.
سونىمەن قاتار اسابا سابىرجان دا 10 جىلقى اتاپ, قارييانى قۋانتتى.
ايتا كەتەيٸك, رۋسلان ٶتەپباي جىلقىشى راحات سەرسەنوۆتٸڭ بۇرىنعى جۇمىس بەرۋشٸسٸ تەجٸعالي ەلەۋوۆپەن ارنايى كەزدەسٸپ, قوعامدا قىزۋ تالقىلانىپ جٷرگەن مەسەلەلەرگە قاتىستى كٶلەمدٸ سۇحبات جازعانىن مەلٸمدەدٸ.
جۋرناليستٸڭ ايتۋىنشا, سۇحبات بارىسىندا راحات سەرسەنوۆتٸڭ ۇزاق جىلدار بويعى ەڭبەك جولى, جۇمىس بەرۋشٸمەن اراداعى قارىم-قاتىناسى, سونداي-اق سوڭعى ۋاقىتتا قوعام نازارىن اۋدارعان وقيعالار جان-جاقتى سٶز بولعان.
رۋسلان ٶتەپبايدىڭ ايتۋىنشا, ەڭگٸمە سوڭىندا ول تەجٸعالي ەلەۋوۆكە ەل ازاماتتارىنىڭ قولداۋىنىڭ ارقاسىندا راحات سەرسەنوۆتٸڭ وتباسى باسپانالى بولعانىن جەتكٸزگەن. الايدا كەسٸپكەر بۇل سٶزگە كٷتپەگەن جاۋاپ قايتارىپ, جۇرتشىلىقتىڭ نازارىن اۋدارعان مەلٸمدەمە جاساعان.
«راحات سەرسەنوۆتٸڭ وتباسى باسپانالى بولدى» دەگەنٸمدە, ول: «ول مەنٸڭ اقشاما الىنعان ٷي», – دەپ جاۋاپ بەردٸ», – دەيدٸ رۋسلان ٶتەپباي.
