Atyraýdaǵy qaiǵyly oqiǵadan keiin em qabyldap júrgen Aqbaian Muqanǵalievanyń qazirgi jaǵdaiy belgili boldy. Jańa málimetti jýrnalist Janat Moldashova jariialady, dep habarlaidy ult.kz.
Jýrnalistiń aitýynsha, Aqbaiannyń úiine shyqqany týraly aqparatty onyń týystary buǵan deiin bilgen. Alaida jaqyndary bul jańalyqty ázirge jariia etpeýdi suraǵan.
Keiin Aqbaiandy baýyrlary balalarynyń janyna alyp barǵan. Buǵan onyń balalaryn jii surap, saǵynǵanyn aitýy sebep bolǵan.
«Balalarym qaida? Saǵyndym» dep jii suraǵan. Bárin de tanyp tur deidi. Biraq áli em alýy kerek. Naqty diagnozy belgisiz», – dep jazdy Janat Moldashova.
Jýrnalistiń málimetinshe, Aqbaiannyń densaýlyǵy tolyq turaqtalyp, jaǵdaiy jaqsarsa, balalaryn óz qamqorlyǵyna berý máselesi qarastyrylýy múmkin. Alaida bul sheshimdi bilim bólimi janynan qurylǵan arnaiy komissiia qabyldaidy.
Sonymen qatar Aqbaianǵa ata-anasy men baýyrlarynyń qaitys bolǵany ázirge aitylmaǵan.
«Týystary Aqbaianǵa ata-anasy men baýyrlarynyń joqtyǵyn áli aitpaǵan. Eń aýyry osy», – dedi jýrnalist.
