Qazaqstannyń keibir júrgizýshilerine jyldamdyqty asyrmaǵanyna qaramastan aiyppul týraly nusqama jiberilgen. IIM munyń aqparattyq júiedegi tehnikalyq aqaýdan bolǵanyn málimdedi, dep habarlaidy ult.kz.
13–14 tamyz aralyǵynda Bas prokýratýranyń «ERAP» aqparattyq júiesinde nusqamalardy avtomatty túrde qalyptastyrý kezinde tehnikalyq aqaý tirkelgen.
Sonyń saldarynan joldaǵy ortasha jyldamdyqty asyrý faktileriniń keibiri kóliktiń bir sáttik jyldamdyqty asyrýy retinde qate rásimdelgen.
IIshki ister ministrligi qate qalyptastyrylǵan nusqamalardyń barlyǵy anyqtalǵanyn jáne olardyń avtomatty túrde joiylatynyn habarlady.
«Másele tek tasjoldarda atalǵan tehnikalyq aqaýdyń saldarynan qate rásimdelgen aiyppuldarǵa qatysty. Al mundai aiyppuldardy tólep qoiǵan júrgizýshilerge qarajatty qaitarý máselesi qazir pysyqtalyp jatyr», – dedi IIM Ákimshilik politsiia komitetiniń tóraǵasy Murat Qabdenov.
Ministrlik tehnikalyq aqaýdyń saldaryn joiý boiynsha jumys júrgizip jatqanyn jáne jaǵdaidyń baqylaýda ekenin atap ótti.
