Natasha Qalymbetova zorlanǵannan keiin dúniege bala ákelgeni belgili boldy. Qazir ol balasyn izdep júr. Bul týraly #Nemolchi qory jariialady, dep habarlaidy ult.kz.
1994 jyldyń qarashasynda Aqjaiyq aýdanyna qarasty aýylda turatyn 17 jastaǵy Natasha synyptasynyń úiindegi keshten qaityp kele jatqanda tórt er adam ustap alyp ketip, Jaiyq ózeniniń jaǵasynda zorlyq-zombylyq jasap, uryp, azaptaǵan. Keiin qylmyskerlerdiń bireýi ony taǵy zorlap, ózenge ólýge tastap ketken.
Aman qalǵan Natasha Qalymbetova artqy esikten úiine kirip, anasynyń jumysqa ketkenin kútken. Sosyn qudyqtan sý ákelip zorlyq izderin jýyp-shaiýǵa tyrysqan.
Birneshe kún ol anasynan jasyrynyp júrgen. Denesinde zorlyq-zombylyq pen uryp-soǵý izderi kóp bolǵan. Tipti jaǵy da synǵan kórinedi.
Oqiǵa munymen aiaqtalmaǵan. Naýryz aiynda tórt zorlyqshy Natashany taǵy da ańdyp júrip, ustap alyp, qorqytyp-úrkitip taǵy zorlaǵan.
Jigitterdiń biri onyń klastasynyń aǵasy bolǵan.
Oqiǵa bolǵan kezde Natashanyń aǵalary qalada oqyp, jumys istep jatqan.
Oqiǵany anasy da, aǵalary da aqyry biledi. Biraq olar eshteńe bolmaǵandai únsiz qalady, tipti anasy bul oqiǵa týraly aitýǵa tyiym salady.
Keiin Natasha Qalymbetova mektep bitirip qalaǵa oqýǵa ketedi. Mán-jaidy baiandaǵan #Nemolchi qorynyń derekteri boiynsha oqyp jatqanda Natashanyń aiaǵy aýyr ekenin bilip, 1995 jyldyń 30 jeltoqsanynda qyz balany dúniege ákeledi.
Anasy balanyń "kózin qurt" deidi, al óziniń nárestemen baratyn jeri joq bolady. Onyń ústine bul bala oǵan sol bir qorqynyshty oqiǵany esine túsirip turady.
Oǵan baladan bas tartý týraly qolhat ákelip beredi, Natasha oǵan qol qoiady. Biraq perzenthanada jatqan toǵyz kúnde Qalymbetova balany emizip, baýyryna basyp, jylap jatady. Biraq baladan bas tartý boiynsha qujatqa qol qoiyp qoiǵan.
Artynan qyzyn qaitaryp almaqshy bolǵan áreketinen eshteńe shyqpaidy. Ony óz oqyp jatqan kolledjdiń kýratory da, qalada turyp jatqan aǵasy da qoldamaidy. Al jatahanada birge turatyn qyzdar teris ainalady.
Náresteni sábiler úiine aýystyrǵan. Natasha onda aptasyna úsh ret baryp turady. Ol qyzyna óz tegin bergen. Biraq keiin sábidi basqa otbasy asyrap alyp ketken.
Biyl sáýirde Natasha Qalymbetova óziniń 17 jasynda zorlanǵanyn, qylmyskerlerdiń áli jazasyz júrgenin aityp video túsirip, jelige júktegen. Ol video qoǵamda rezonans týdyrdy.
Artynsha BQO politsiia basqarmasy isti tergeýge alady.
Natasha Qalymbetova Oralǵa kelip arnaiy tergeý amaldaryna qatysady. Sol kezde aýrýhanadan qyzyn Boýg tegimen asyrap alǵany belgili bolady. Qyzdyń jańa tegi kirillitsa Harpimen jazylǵan, biraq qyz tiri me, joq pa, tiri bolsa qai jaqta ekeni belgisiz.
Boýg familiiasy latyn Harpinde Boug, Bouwg nemese Bouk bolýy múmkin dep topshylaidy.
"Natasha Amerikada asyrap alynǵan balalar men eseigen jetimderdiń videolaryn únemi qaraidy. Ol túrli toptar men chattarǵa múshe bolyp, qyzyn izdeýmen keledi. Biraq áli kúnge deiin taba almai júr" dep jazady #Nemolchi qory áleýmettik jelidegi paraqshasynda.
