ناتاشا قالىمبەتوۆا زورلانعاننان كەيٸن دٷنيەگە بالا ەكەلگەنٸ بەلگٸلٸ بولدى. قازٸر ول بالاسىن ٸزدەپ جٷر. بۇل تۋرالى #نەمولچي قورى جارييالادى, دەپ حابارلايدى ult.kz.
1994 جىلدىڭ قاراشاسىندا اقجايىق اۋدانىنا قاراستى اۋىلدا تۇراتىن 17 جاستاعى ناتاشا سىنىپتاسىنىڭ ٷيٸندەگٸ كەشتەن قايتىپ كەلە جاتقاندا تٶرت ەر ادام ۇستاپ الىپ كەتٸپ, جايىق ٶزەنٸنٸڭ جاعاسىندا زورلىق-زومبىلىق جاساپ, ۇرىپ, ازاپتاعان. كەيٸن قىلمىسكەرلەردٸڭ بٸرەۋٸ ونى تاعى زورلاپ, ٶزەنگە ٶلۋگە تاستاپ كەتكەن.
امان قالعان ناتاشا قالىمبەتوۆا ارتقى ەسٸكتەن ٷيٸنە كٸرٸپ, اناسىنىڭ جۇمىسقا كەتكەنٸن كٷتكەن. سوسىن قۇدىقتان سۋ ەكەلٸپ زورلىق ٸزدەرٸن جۋىپ-شايۋعا تىرىسقان.
بٸرنەشە كٷن ول اناسىنان جاسىرىنىپ جٷرگەن. دەنەسٸندە زورلىق-زومبىلىق پەن ۇرىپ-سوعۋ ٸزدەرٸ كٶپ بولعان. تٸپتٸ جاعى دا سىنعان كٶرٸنەدٸ.
وقيعا مۇنىمەن اياقتالماعان. ناۋرىز ايىندا تٶرت زورلىقشى ناتاشانى تاعى دا اڭدىپ جٷرٸپ, ۇستاپ الىپ, قورقىتىپ-ٷركٸتٸپ تاعى زورلاعان.
جٸگٸتتەردٸڭ بٸرٸ ونىڭ كلاستاسىنىڭ اعاسى بولعان.
وقيعا بولعان كەزدە ناتاشانىڭ اعالارى قالادا وقىپ, جۇمىس ٸستەپ جاتقان.
وقيعانى اناسى دا, اعالارى دا اقىرى بٸلەدٸ. بٸراق ولار ەشتەڭە بولماعانداي ٷنسٸز قالادى, تٸپتٸ اناسى بۇل وقيعا تۋرالى ايتۋعا تىيىم سالادى.
كەيٸن ناتاشا قالىمبەتوۆا مەكتەپ بٸتٸرٸپ قالاعا وقۋعا كەتەدٸ. مەن-جايدى بايانداعان #نەمولچي قورىنىڭ دەرەكتەرٸ بويىنشا وقىپ جاتقاندا ناتاشانىڭ اياعى اۋىر ەكەنٸن بٸلٸپ, 1995 جىلدىڭ 30 جەلتوقسانىندا قىز بالانى دٷنيەگە ەكەلەدٸ.
اناسى بالانىڭ "كٶزٸن قۇرت" دەيدٸ, ال ٶزٸنٸڭ نەرەستەمەن باراتىن جەرٸ جوق بولادى. ونىڭ ٷستٸنە بۇل بالا وعان سول بٸر قورقىنىشتى وقيعانى ەسٸنە تٷسٸرٸپ تۇرادى.
وعان بالادان باس تارتۋ تۋرالى قولحات ەكەلٸپ بەرەدٸ, ناتاشا وعان قول قويادى. بٸراق پەرزەنتحانادا جاتقان توعىز كٷندە قالىمبەتوۆا بالانى ەمٸزٸپ, باۋىرىنا باسىپ, جىلاپ جاتادى. بٸراق بالادان باس تارتۋ بويىنشا قۇجاتقا قول قويىپ قويعان.
ارتىنان قىزىن قايتارىپ الماقشى بولعان ەرەكەتٸنەن ەشتەڭە شىقپايدى. ونى ٶز وقىپ جاتقان كوللەدجدٸڭ كۋراتورى دا, قالادا تۇرىپ جاتقان اعاسى دا قولدامايدى. ال جاتاحانادا بٸرگە تۇراتىن قىزدار تەرٸس اينالادى.
نەرەستەنٸ سەبيلەر ٷيٸنە اۋىستىرعان. ناتاشا وندا اپتاسىنا ٷش رەت بارىپ تۇرادى. ول قىزىنا ٶز تەگٸن بەرگەن. بٸراق كەيٸن سەبيدٸ باسقا وتباسى اسىراپ الىپ كەتكەن.
بيىل سەۋٸردە ناتاشا قالىمبەتوۆا ٶزٸنٸڭ 17 جاسىندا زورلانعانىن, قىلمىسكەرلەردٸڭ ەلٸ جازاسىز جٷرگەنٸن ايتىپ ۆيدەو تٷسٸرٸپ, جەلٸگە جٷكتەگەن. ول ۆيدەو قوعامدا رەزونانس تۋدىردى.
ارتىنشا بقو پوليتسييا باسقارماسى ٸستٸ تەرگەۋگە الادى.
ناتاشا قالىمبەتوۆا ورالعا كەلٸپ ارنايى تەرگەۋ امالدارىنا قاتىسادى. سول كەزدە اۋرۋحانادان قىزىن بوۋگ تەگٸمەن اسىراپ العانى بەلگٸلٸ بولادى. قىزدىڭ جاڭا تەگٸ كيريلليتسا ھارپٸمەن جازىلعان, بٸراق قىز تٸرٸ مە, جوق پا, تٸرٸ بولسا قاي جاقتا ەكەنٸ بەلگٸسٸز.
بوۋگ فاميليياسى لاتىن ھارپٸندە Boug, Bouwg نەمەسە Bouk بولۋى مٷمكٸن دەپ توپشىلايدى.
"ناتاشا امەريكادا اسىراپ الىنعان بالالار مەن ەسەيگەن جەتٸمدەردٸڭ ۆيدەولارىن ٷنەمٸ قارايدى. ول تٷرلٸ توپتار مەن چاتتارعا مٷشە بولىپ, قىزىن ٸزدەۋمەن كەلەدٸ. بٸراق ەلٸ كٷنگە دەيٸن تابا الماي جٷر" دەپ جازادى #نەمولچي قورى ەلەۋمەتتٸك جەلٸدەگٸ پاراقشاسىندا.
