Elorda politseileri psiho-nevrologiialyq dispanserden qashyp ketken kúdiktini izdestirip jatyr, dep habarlaidy "Ult aqparat".
«9 qazan kúni saǵat 12.22 shamasynda Jansúgirov kóshesi boiyndaǵy psiho-nevrologiialyq dispanserden QR Qylmystyq kodeksiniń 120-baby (zorlaý) boiynsha aiyptalǵan er adam qashty. Tergeý boiynsha ustalǵan er adamdy izdeýge qalalyq Politsiia departamentiniń jeke quramy jumyldyryldy», - delingen departamenttiń habarlamasynda.
Quqyq qorǵaýshylar kúdiktini kórgen adamdar bolsa 71-60-10, nemese 8(7172) 71-60-07, 71-60-29, 71-60-22, 71-63-29, 87018808070, 87789508176 nómirlerine habarlasýdy suraidy.
Qashyp júrgen er adamnyń boiy 175-180 sm shamasynda. Shashy qara, qysqa qiylǵan. Kózi qara. Qara kúrteshe kigen. Ústine «Italiy» jazýy bar «tolstovka» bar. Basyna qara tústi sporttyq bas kiim, butyna qarakók triko, aiaǵyna qara týfli kigen.
